Omapsalme 9:1-20
Komuwiliki; la stelwa puMutulaben.* Eimbilo laDavid.
א [Alef]
9 Omwene Jehova, ohandi ke ku tanga nomutima wange aushe;Ohandi ka popya kombinga yoikumwifilonga yoye aishe.
2 Ohandi ka hafa nokunyakukwa omolwoye;Omukombadambada, edina loye ohandi ke li imbila omaimbilohambelelo.*
ב [Bet]
3 Ngeenge ovatondi vange ova i onhapo,Otava ka punduka nokuxula po moipafi yoye.
4 Osheshi oho popile nge omolwouyuki wange;Ou li omutumba kolukalwapangelo loye to tokola pauyuki.
ג [Gimel]
5 Owa hanyena oiwana, nowa hanauna po ovakolokoshi,Owa dima po omadina avo alushe fiyo alushe.
6 Omutondi okwa hanaunwa po fiyo alushe;Owa dikulula po oilando yavo,Noitava ka dimbulukiwa vali nande.
ה [He]
7 Ashike Jehova oku li kolukalwapangelo fiyo alushe;Okwa dika po olukalwapangelo laye la pama louyuki.
8 Ota ka tokola pauyuki ovakalimo vokombada yedu;*Ota ka yandja koiwana etokolo lopamhangu li li pauyuki.
ו [Waw]
9 Jehova ota ka kala ouhondameno wokwaamena* ovafininikwa,Ouhondameno wa amenwa pomafimbo oudjuu.
10 Ovo ve shii edina loye otave ke lineekela mwoove;Omwene Jehova, ito efa nandenande ovo tave ku kongo.
ז [Zayin]
11 Imbileni Jehova omaimbilohambelelo, oo e li muSion;Shiivifeni oilonga yaye mokati kovanhu.
12 Osheshi oo ta pula ohonde yavo ote va dimbuluka;Ita dimbwa okulila kwomufininikwa.
ח [Het]
13 Omwene Jehova, file nge onghenda; tala eshi handi fininikwa kwaavo ve tonde nge,Ove ou to pitifa nge momivelo defyo,
14 Opo ndi shiivife oilonga yoye ya tumbala pomivelo domonakadona waSion,Nondi hafele oilonga yoye yexupifo.
ט [Tet]
15 Oiwana oya ningina melambo, olo ya fa;Eemhadi dayo oda kwatwa kelulo,* olo va holeka.
16 Jehova oku shiivike omolwetokolo olo a yandja.
Omukolokoshi okwa yulwa koilonga yomake aye mwene.
Higgaion.* (Sela)
י [Yod]
17 Ovakolokoshi otava ka ya onhapo va finda mOmbila,*Oiwana aishe oyo ya dimbwa Kalunga.
18 Ndele ohepele itai ka dimbiwa alushe;Neteelelo lovalidiiniki* itali xulu po nandenande.
כ [Kaf]
19 Omwene Jehova, fikama! Ino efa omunhu oo ehe kwete okufya a findane.
Oiwana nai tokolwe moipafi yoye.
20 Omwene Jehova, va mbadameka;Oiwana nai shiive kutya vo ovanhu ashike ovo vehe kwete okufya. (Sela)
Eshangelo lopedu
^ Tala Omafatululo oitya.
^ Ile “shikile omusika.”
^ Ile “yedu liwa.”
^ Ile “eameno la shiya ko.”
^ Eln., “konete.”
^ Tala Omafatululo oitya.
^ Sha hala okutya, kOufi. Tala Omafatululo oitya.
^ Ile “lovalininipiki.”
