Omapsalme 91:1-16
91 Keshe oo ta kala monhele yomeholeko yOmukombadambadaOta kala koshi yomudidimbe wOmunaenghono adishe.
2 Ohandi lombwele Jehova, handi ti: “Oove eameno lange nohotengulu yange,Kalunga kange, oo nde lineekela muye.”
3 Osheshi ye ote ku xupifa momwiyo womuteli woudila,Koudu wolutapo tau hanauna.
4 Ote ke ku tuvikila* nomavava aye,Noto ka konga eameno koshi yomavava aye.
Oudiinini waye otau ka kala oshikelelifo sha kula, nekuma leameno.*
5 Ito tila omatilifo oufiku,Ile oshikuti osho tashi umbwa omutenya,
6 Ile oudu wolutapo oo tau uya momilaulu,Ile ehanauno olo tali kombo po sheke moshanga shomutenya.
7 Ovanhu eyovi otava ka wila popepi naave,Nomayovi omulongo okeke loye lokolulyo,Ashike kape na nande oshimwe tashi ke ku hanga.
8 Oto ke shi mona ashike nomesho oye,Eshi to tale ehandukilo* lovakolokoshi.
9 Osheshi owa ti: “Jehova oye eameno lange,”
Owa ninga Omukombadambada olukalwa loye;*
10 Kape na oshiponga tashi ke ku hanga,Nokape na owii tau ke uya popepi netwali loye.
11 Osheshi ota pe ovaengeli vaye elombwelo li na sha naave,Ve ku amene meendjila doye adishe.
12 Otave ke ku humbata momake avo,Opo uha pume omhadi yoye kemanya.
13 Oto ka lyata onghoshi yonyasha nosho yo ongolonyoka;Oto ka lyataula onghoshi yondume nosho yo eyoka la kula.
14 Kalunga okwa ti: “Molwaashi oku hole nge,* ohandi ke mu xupifa.
Ohandi ke mu amena, molwaashi oku shii* edina lange.
15 Ota ka ifana nge, nohandi ke mu nyamukula.
Ohandi ka kala pamwe naye pefimbo loudjuu.
Ohandi ke mu xupifa noku mu tumbalekifa.
16 Ohandi mu pe omwenyo mule,Noku mu ningifa a mone oilonga yange yexupifo.”*
Eshangelo lopedu
^ Ile “amena.”
^ Ile “oluumbo la kola.”
^ Eln., “outekuduliko.”
^ Ile tashi dulika, “ouhondameno; eameno.”
^ Eln., “okwa waimina nge.”
^ Ile “okwa tambula ko.”
^ Ile “mone exupifo tali di kwaame.”
