Omapsalme 92:1-15
Epsalme. Eimbilo lefiku lEshabata.
92 Oshiwa okupandula JehovaNokwiimbila omaimbilohambelelo* edina loye, Omukombadambada,
2 Okuhepaulula ohole yoye i na oudiinini ongula,Noudiinini woye oufiku,
3 Pamwe noshishikomwa sheengodi omulongo nosho yo oshishikomwa sholudi loshiketala,*Tai endele pamwe nomikwelengedjo dewi lokaxumbafeta.
4 Osheshi owa hafifa nge, Omwene Jehova, omolwoilonga yoye;Omolwoilonga yomake oye, ohandi ingida nehafo.
5 Omwene Jehova, oilonga yoye oinene shi fike peni!
Omadiladilo oye okwa ya moule neenghono shi fike peni!
6 Kape na omunhu, ehe na eendunge, ta dulu oku a shiiva;Nokape na elai tali dulu okuuda ko oinima ei:
7 Ngeenge ovakolokoshi tava twiyuka ngaashi oimbodi,*Novalongi aveshe vowii va hapa,Osho otashi ningwa, opo va xulifwe po fiyo alushe.
8 Ashike ove owa tumbala fiyo alushe, Omwene Jehova.
9 Oshoshili, tala okufindwa kwovatondi voye, Omwene Jehova,Tala nghee ovatondi voye tava xulu po;Ovalongi vowii aveshe otave lihanifwa.
10 Ashike ove oto ka tumbaleka eenghono* dange, ngaashi dongobe yomhedi yomoixwa;Ohandi ka pupaleka oshipa shange nomaadi ongushu.
11 Omesho ange otaa ka tala nehafo, eshi ovatondi vange tava findwa;Omatwi ange otaa ka uda eshi ovalongi vowii, ovo tava ponokele nge, tave lidenge po.
12 Ashike ovayuki otava ka hapa, ngaashi omulunga,Notava ka kula, ngaashi omusederi womuLibanon.
13 Ova twikwa meumbo laJehova;Otava hafele momikala daKalunga ketu.
14 Nokuli nomoukulupe,* otava ka imika oiimati;Otava ka kala ve na eenghono* nova nyashuka,
15 Tava hepaulula kutya Jehova omuyuki.
Oye Emanya lange, oo muye muhe na okuhenouyuki.
Eshangelo lopedu
^ Ile “Nokushika omusika.”
^ Ile “oshishikomwa shedina lute.”
^ Ile “omwiidi.”
^ Eln., “oluvinga.”
^ Ile “Eshi ve na eenghwakutoka.”
^ Eln., “oinghene.”
