Omapsalme 96:1-13
96 Imbileni Jehova eimbilo lipe.
Edu alishe, imbileni Jehova.
2 Imbileni Jehova; tangeni edina laye.
Hepaululeni onghundana iwa yexupifo laye efiku nefiku.
3 Shiivifeni efimano laye mokati koiwana,Oilonga yaye ikumwifi mokati kovanhu aveshe.
4 Jehova omunene, nokwa wana filufilu okutangwa.
Ye omukumwifi neenghono e dule ookalunga aveshe.
5 Ookalunga aveshe vovanhu ovo ookalunga vongaho,Ashike Jehova oye a shita eulu.
6 Efimano* nosho yo etumbalo oye mu dingilila;Eenghono newapalo oi li monhele yaye iyapuki.
7 Yandjeni kuJehova osho e na okupewa, nye ovanhu vomaludi aeshe.Yandjeni kuJehova osho e na okupewa omolwoshinge neenghono daye.
8 Fimanekeni Jehova omolwedina laye;Eteni eeshali, ndele tamu uya momikala daye.
9 Linyongameneni* Jehova mwa djala oikutu iyapuki;*Edu alishe nali kakame koshipala shaye.
10 Hepaululeni mokati koiwana tamu ti: “Jehova okwa ninga Ohamba!
Edu* ola dikwa po la pama; itali dulu okulinyenganyengifwa.*
Ota tokola* ovanhu pauyuki.”
11 Eulu nali nyakukwe, nedu nali hafe;Efuta nali popome nosho yo oinima aishe oyo i li mo;
12 Omifitu noinima aishe, oyo i li mo, nai nyakukwe.
Pefimbo opo tuu opo, omiti adishe domofuka nadi nyakukwe
13 Koshipala shaJehova, molwaashi ote uya,*Te uya okutokola edu.
Ota ka tokola ovakalimo vokombada yedu* pauyukiNosho yo ovanhu noudiinini waye.
Eshangelo lopedu
^ Ile “Oulenga.”
^ Ile “Longeleni.”
^ Ile tashi dulika, “omolwewapalo louyapuki waye.”
^ Tashi dulika “edu liwa okukala, ile hali imike.”
^ Ile “itali dulu okutengaulwa.”
^ Ile “popile.”
^ Ile “okwe uya.”
^ Tashi dulika “edu liwa okukala, ile hali imike.”
