Omapsalme 99:1-9
99 Jehova okwa ninga Ohamba. Ovanhu nava kakame.
Oku li omutumba kolukalwapangelo kombada* yovakerubi. Edu nali kakame.
2 Jehova omunene muSion,Noku li pombada yovanhu aveshe.
3 Nava tange edina loye linene,Osheshi lo olikumwifi noliyapuki.
4 Oku li ohamba inaenghono, oyo i hole ouyuki.
Owa dika po omifikamhango di li pauyuki.
Owa tula po osho sha yuka nosho yo ouyuki muJakob.
5 Tumbalekeni Jehova, Kalunga ketu, nokulinyongamena* poshilyatelo sheemhadi daye;Oku li omuyapuki.
6 Moses naAron ova li mokati kovapristeri vaye,Na Samuel okwa li mokati kaavo hava ifana edina laye.
Ova li hava ifana Jehova,Nokwa li he va nyamukula.
7 Okwa li ha popi navo okupitila moluudi loshilemo.
Ova diinina omadimbulukifo aye nosho yo oshipango osho a li e va pa.
8 Omwene Jehova, Kalunga ketu, owe va nyamukula.
Oove wa li Kalunga, ou e va dimina po,Ashike owe va handukila* omolwoilonga yavo youlunde.
9 Tumbalekeni Jehova, Kalunga ketu,Nokulinyongamena* komesho yomhunda yaye iyapuki,Osheshi Jehova, Kalunga ketu, omuyapuki.
Eshangelo lopedu
^ Ile tashi dulika, “pokati.”
^ Ile “nokulongela.”
^ Eln., “katukila onghatu.”
^ Ile “Nokulongela.”
