Omayeletumbulo 15:1-33
15 Enyamukulo liwa* otali kandula po ehandu,Ndele eendjovo dikukutu* otadi etifa ehandu.
2 Elaka lomunaendunge ohali popi oinima oyo li shii,Ndele okanya kelai ohaka pitifa mo oulai.
3 Omesho aJehova otaa tale keshe pamwe,Taa tale ovo hava longo ouwa naavo hava longo owii.
4 Elaka litalala* olo omuti womwenyo,Ndele eendjovo tadi pukifa otadi etifa oupyakadi.*
5 Elai ola dina outekuduliko waxe,Ndele omunaendunge oha tambula ko epukululo.
6 Meumbo lomuyuki omu na emona lihapu,Ndele oilikolomwa* yomukolokoshi otai mu etele oupyakadi.
7 Omilungu domuyuki otadi tandavelifa eshiivo,Ndele omutima welai hasho hau ningi ngaho.
8 Eyambo lovakolokoshi oli li oshinima shitondifa kuJehova,Ndele eilikano lovayuki otali mu hafifa.
9 Jehova oku tonde ondjila yomukolokoshi,Ndele oku hole oo ha lalakanene ouyuki.
10 Ou a efa po okulonga osho sha yuka oku tonde outekuduliko,Ndele ou e yele epukululo ota ka fya.
11 Ngeenge Jehova oha kala e wete filufilu ovo ve li mOmbila* naavo ve li monhele yehanauno,
Mbela iha kala e wete osho shi li momitima dovanhu?
12 Omusheki ke hole oo te mu pukulula.
Iha pula komunaendunge.
13 Omutima u na ehafo ohau hafifa oshipala,Ndele ouyahame womomutima ohau nyanyaula omhepo.
14 Omutima u na eudeko ohau kongo eshiivo,Ndele okanya kelai ohaka popi* oulai.
15 Omafiku aeshe aao ta mono oixuna omai,Ndele oo e na omutima u na ehafo* ota kala alushe a hafa.
16 Oshixwepo okukala u na shinini, ndele oho tila Jehova,Shi dulife okukala u na emona lihapu, ndele ou na oshisho.*
17 Oshixwepo okulya oikwambidi meumbo mu na ohole,Shi dulife okulya ongobe ya ondoka meumbo mu na outondwe.
18 Omuhandunhu oha etifa eemhata,Ndele oo iha handuka diva oha loteke eenhangu.
19 Ondjila yomukwandede oi li ngaashi ongubu yomakiya,Ndele elila lomuyuki oli li ngaashi ondjila ya lalakana nawa.
20 Omonamati omunaendunge oha hafifa xe,Ndele elai ola dina ina.
21 Oo ehe na eendunge oha hafele oulai,Ndele oo e na eendunge dokuyoolola oha ende mondjila ya yuka.
22 Ngeenge kape na eenghundafana, eemhangela otadi ponyo,Ndele apa pe na ovayandjimayele* vahapu, oinima otai ende nawa.
23 Omunhu oha kala a hafa, ngeenge a yandja enyamukulo liwa,*Neendjovo da popiwa pefimbo la wapala odiwa.
24 Omunaendunge oku li melila olo tali twala komwenyo,Noha henuka okweenda mondjila oyo tai twala mOmbila.*
25 Jehova ota hanauna po eumbo lomulinenepeki,Ndele ota amene ongaba yonhele yomufiyekadi.
26 Jehova oku tonde eemhangela domukolokoshi,Ndele eendjovo diwa otadi mu hafifa.
27 Ou te likongele eliko moukengeleledi ota etele eumbo laye oupyakadi,*Ndele ou e tonde ombubo ota kala nomwenyo.
28 Omuyuki oha diladila momutima waye, ofimbo ina nyamukula,*Ndele okanya komukolokoshi ohaka pitifa mo oinima ii.
29 Jehova oku li kokule nomukolokoshi,Ndele oha udu eilikano lomuyuki.
30 Omesho e na ehafo ohaa nyakula omutima;Onghundana iwa ohai ndjangeke omunhu.*
31 Ou ha pwilikine kepukululo ota kala nomwenyoNota valulilwa movanaendunge.
32 Keshe oo ita tambula ko outekuduliko oku tonde omwenyo waye,Ndele ou ha pwilikine kepukululo ota ka mona eudeko.*
33 Okutila Jehova ohaku deula omunhu a kale ha katuka pandunge,Nelininipiko otali eta efimano.
Eshangelo lopedu
^ Ile “litalala.”
^ Ile “diyahameka.”
^ Ile “Elaka tali velula.”
^ Eln., “nyanyaula omhepo.”
^ Ile “oyuuyemo.”
^ Sha hala okutya, kOufi. Tala Omafatululo oitya.
^ Ile “lalakanene.”
^ Ile “muwa.”
^ Ile “owa lyalyakana.”
^ Ile “ovapukululi.”
^ Eln., “enyamukulo lokanya kaye.”
^ Sha hala okutya, kOufi. Tala Omafatululo oitya.
^ Ile “ohoni.”
^ Ile “oha diladila nawa nghee e na okunyamukula; oha diladila, ofimbo ina popya.”
^ Eln., “ondokifa omakipa.”
^ Eln., “omutima.”
