Omayeletumbulo 5:1-23
5 Omumwange, yandja elitulemo kounongo wange.
Pwilikina nelitulemo* osho handi hongo shi na sha neendunge dokuyoolola,
2 Opo u dule okwaamena omadiladilo oyeNokwaamena eshiivo nomilungu doye.
3 Osheshi omilungu domukainhu oshondolo* ohadi ndoda ngaashi omaadi eenyiki,Nokanya kaye oke na omufenu ke dule omaadi.
4 Ndele xuuninwa, ota ka kala mulula ngaashi oshimbodi shilulaNoku na eememo ngaashi eongamukonda leememo keembinga mbali.
5 Eemhadi daye otadi ende mondjila yefyo.
Neenghatu daye otadi twala mOmbila.*
6 Iha diladila kondjila oyo tai mu twala komwenyo.
Oha tengauka mondjila yaye, noke shi shii kutya okwa finda peni.
7 Ovamwange, pwilikineni kwaameNoinamu efa po osho handi popi.
8 Kaleni kokule naye;Inamu ehena popepi nomuvelo weumbo laye,
9 Opo uha yandje po efimano loye kuvamweNouha kale to mono oixuna momido doye odo da xupa ko;
10 Opo ovanailongo vaha kufe po omamona* oyeNaasho wa longa shiha ye keumbo lomunailongo.
11 Ngeenge hasho, oto ka mona oixuna pexulilo longhalamwenyo yoye,Eshi ombelela nolutu loye tai ka fipatela po
12 Noto ka tya: “Omolwashike nda li ndi tonde outekuduliko?
Omolwashike nda li ndi yele epukululo?
13 Inandi pwilikina kondaka yovapukululi vange,Noinandi yandja elitulemo kovahongi vange.
14 Ame onda xula po filufiluMokati keongalo alishe.”*
15 Nwa omeva a dja mondungu yoyeNomeva taa kunguluka* a dja momufima woye.
16 Omolwashike wa hala eefifiya doye di kungulukile pondje,Nomakungulukilo oye omeva momapandavanda?
17 Naa kale oye oove auke,Ndele haovanailongo ovo ve li pwoove.
18 Ofifiya* yoye nai nangekwe noupuna,Hafela pamwe nomukulukadi womounyasha woye,
19 Oo a fa oholongo yonghadi i na onghedi iwa, noshikombo shiwa shokeemhunda.
Omavele aye nae ku hafife efimbo keshe.
Tyapula ohole yaye fiyo alushe.
20 Omumwange, omolwashike u na okukwatwa ko komukainhu omuholi woipala,*Ile okupapatela wa diinina omukainhu omuhaeli?*
21 Jehova oku wete eendjila domunhu keshe;Oha konakona omalila aeshe omunhu.
22 Omapuko omukolokoshi oku li omwiyo kuye,Omatimba aye otaa kala ngaashi eengodi de mu manga.
23 Ota ka fya omolwokuhatambula ko outekudulikoNota ka kana omolwoulai waye wa pitilila.
Eshangelo lopedu
^ Eln., “Pakalekela okutwi kwoye.”
^ Eln., “omunailongo.” Tala Omayel 2:16.
^ Sha hala okutya, kOufi. Tala Omafatululo oitya.
^ Ile “eenghono.”
^ Eln., “Mokati kovanhu aveshe nokeongalo.”
^ Ile “mawa.”
^ Ile “Odjo yomeva.”
^ Eln., “omunailongo.” Tala Omayel 2:16.
^ Ile “omunailongo.” Tala Omayel 2:16.
