Sefania 2:1-15
2 Ongaleni, heeno, ongaleni pamweAkutu oshiwana osho ihashi fi ohoni.
2 Fimbo etokolo inali fika,Fimbo efiku inali tuka po ngaashi olungu,Fimbo ehandu linene laJehova inali uya kunye,Fimbo efiku lehandu laJehova inali mu hanga,
3 Kongeni Jehova ovalidiiniki* amushe ovo mu li kombada yedu,Ovo hamu diinine omatokolo aye ouyuki.
Kongeni ouyuki, kaleni mu na elidiiniko.*
Otashi dulika* mu ka xupifwe mefiku lehandu laJehova.
4 Gasa otashi ka efiwa;Askelon otashi ka hanaunwa po.
Ovakalimo vomuAsdod otava ka tewa mo mokati komutenya,*Na Ekron otashi ka dudwa mo.
5 “Woo kwaavo hava di komunghulofuta, oshilando shOvakereti!
Jehova okwe mu tokola.
Akutu Kaanan, edu lOvafilisti, ohandi ku hanauna po,Opo muha xupe nande omunhu.
6 Omunghulofuta otau ka ninga edu loulifilo,Li na eendungu dovafita noyuunda yomamanya yeedi.
7 Otashi ka ninga oshitukulwa shaavo va xupa po vomeumbo laJuda;Oko tava ka kala hava mono eendja.
Oufiku otava ka kala hava nangala momaumbo omuAskelon.
Osheshi Jehova Kalunga kavo ote ke va pashukila,*Nota ka alula eenghwate davo.”
8 “Onda uda omasheko aMoab nomatukano Ovaammoni,Ovo va hepeka oshiwana shange, nohave litangele oshitukulwa shasho.”
9 Jehova Kalunga kaIsrael, ondjai yomatangakwaita, okwa ti:“Ofimbo ndi na omwenyo, Moab otashi kala ngaashi Sodom,Na Ammoni otashi kala ngaashi Gomorra,Onhele yomakiya, i yadi omongwa, notashi ka ninga ombuwa fiyo alushe.
Oshiwana shange osho sha xupa po, otashi ka kufa ko oinima yavo,Naavo va xupa po vomoshiwana shange otava ka kwata ko edu lavo.
10 Osho osho tava ka ningilwa omolwounhwa wavo,Molwaashi ova hepeka nove linenepekela oshiwana shaJehova, ondjai yomatangakwaita.
11 Jehova ota ka kala mutilifa kuvo,Osheshi ota ka xulifa po oikalunga aishe kombada yedu,Oiwana aishe oyo hai di keenhunhu otai ke mu twila eengolo,*Keshe shimwe konhele yasho.
12 Ovaetiopia otamu ka dipawa keongamukonda lange.
13 Ota ka aneka eke laye kolundume nota ka hanauna po Asiria.Ota ka hanauna po yo Ninive, ndele tashi ningi ombuwa.
14 Eengudu doifitukuti omo tadi ka nangala, oifitukuti yomaludi aeshe.*
Eenyundu nooshinyengu otava ka nangala oufiku mokati keengudi dasho, odo da tekauka.
Otapa ka udika omawi okupitila momakende.
Pomivelo otapa ka kala oitekaukile,Omiti dasho domisederi, odo sha tungifwa, otadi ke uya koluhaela.
15 Eshi oshilando shi na ounhwa osho sha li meameno,Nosha li tashi lipopile momutima washo tashi ti: ‘Ondi li pondodo yotete, nokape na nande oumwe ta dulu okuyelekwa naame.’
Osha ka ninga onhele itilifa,Onhele omo hamu nangala oifitukuti.
Keshe oo ta ende pusho ohe shi sheke noha pukaapuka komutwe.”*
Eshangelo lopedu
^ Ile “ovalininipiki.”
^ Ile “elininipiko.”
^ Ile “Pamwe.”
^ Ile “moshanga shomutenya.”
^ Ile “ote ke va fila oshisho.”
^ Ile “longela.”
^ Eln., “oifitukuti aishe yomoiwana.”
^ Eln., “ha shiki omwilwa nokuvikaavika ongonyo.”
