Ovanhu vahapu mounyuni ova pumbwa oikulya nonhele yokukala. Ashike vamwe ova pumbwa eteelelo li na sha nonakwiiwa. Kalunga okwa hala tu kwafele ovo ve na omhumbwe, note ke tu nangeka noupuna ngeenge otwa ningi ngaho.

“Ou ta filonghenda eehepele, ota tulike kOmwene. Ndele Ye ote ke mu alulila oshilonga shaye shiwa.” — OMAYELETUMBULO 19:17.

Jesus okwa li a popya ehokololo li na sha nomulumenhu oo a li a dengwa kovanyeki nokwa fiwa e na okamwenyo kanini. (Lukas 10:29-37) Omweendanandjila umwe okwa li a kanghama nokufila oshisho omulumenhu oo a dengwa nai. Okwa li e mu kwafela nonande okwa dja momuhoko wa yooloka ko kuwaye.

Omulumenhu oo omunanghenda ka li ashike a pa omulumenhu oo ouhaku meendelelo noku mu yambidida painiwe, ndele okwa li yo e mu hekeleka noku mu pa epepelelo omolwonghalo yaye.

Oshike hatu lihongo mehokololo olo? Jesus okwa li ta ulike kutya otu na kwafela ovo ve na omhumbwe. (Omayeletumbulo 14:31) Omishangwa Diyapuki otadi hongo kutya mafiku Kalunga ota ka xulifa po oluhepo nosho yo okumona oixuna. Otashi dulika tu lipule kutya, ongahelipi nonaini Kalunga te ke shi ninga? Oshitukulwa tashi shikula otashi ka kundafana omanangeko noupuna oo Omushiti wetu omunahole e tu tuvikilila.