Mbela owa lesha ngoo nawanawa Eeshungonangelo odo opo da piti? Ngeenge owe di lesha, kendabala okunyamukula omapulo aa taa landula apa:

Ombiibeli oya yandja oumbangi ulipi oo tau ulike kutya Kalunga oha udile ovanhu oukwao wananghali?

Eshi oshiwana shOvaisrael shonale sha li moupika muEgipti, Kalunga okwa li e wete eshi tashi mono oixuna nokwa li e udite nai. (Ex. 3:7; Jes. 63:9) Otwa shitwa oshifeka shaKalunga, nohatu dulu okuudila vamwe oukwao wananghali. Kalunga ohe tu ulikile oukwao wananghali nonande ohatu kala tu udite kutya ke tu hole. — wp18.3, ep. 8-9.

Ongahelipi omahongo aJesus taa dulu oku tu kwafela tu finde onhondo?

Ovajuda vahapu vopefimbo laJesus ova li ve na onhondo. Kristus okwa popya kutya otwa pumbwa elininipiko, nokwa tokola ounhwa u na sha noukwamuhoko. Okwa li a ladipika ovashikuli vaye va tale ko vakwao ve li ovamwaxe. — w18.06, ep. 9-10.

Otashi tu hongo shike eshi Kalunga a li inaa pitika Moses a ye mEdu lEudaneko?

Moses okwa li e na ekwatafano la kola naJehova. (Deut. 34:10) Lwopexulilo lomido 40 mombuwa, ovanhu ova li va hovela okungongota kombinga yomeva oshikando oshitivali. Kalunga okwa li a lombwela Moses a popye nemanya. Ponhele yaasho, Moses okwa li a denga emanya. Otashi dulika Jehova a li a handuka eshi Moses a li inaa shikula omalombwelo aYe ile eshi ine mu fimanekifa omolwoshikumwifilonga osho. Osho otashi tu hongo kutya osha fimana okudulika kuJehova noku mu fimanekifa. — w18.07, ep. 13-14.

Ongahelipi tashi dulika tu ninge epuko noupu ngeenge otwa tokola she likolelela keholokepo lokombada?

Ope na eenghalo nhatu omo vahapu va nwefwa mo keholokepo lokombada: omuhoko, oupuna nosho yo omido. Osha fimana kufye okukala hatu tale ko vakwetu ngaashi Kalunga he va tale ko. (Oil. 10:34, 35) — w18.08, ep. 8-12.

Omeenghedi dimwe dilipi Ovakriste ovanamido tava dulu okukwafela vamwe?

Omukriste omunamido oo oshinakuwanifwa shaye sha lunduluka, natango Kalunga okwe mu lenga nota dulu okuninga shihapu a kwafele vamwe. Ota dulu okukwafela ookaume kopahombo ovo vehe fi ovaitaveli, ovo inave lipyakidila vali pamhepo, okuninga omakonakonombiibeli mahapu nosho yo okutamununa mo oukalele waye. — w18.09, ep. 8-11.

Ovakriste ove na mo oilongifo ilipi mOshikefa shavo shoilongifo yokuhonga?

Omu na oukalata vo-JW.ORG noufo veshivo. Omwa kwatelwa yo oufo vahetatu va unganekwa nawa nosho yo oifo yOshungonangelo no-Awake!. Moshikefa shoilongifo omu na yo oumbo vanini, omambo avali okukonakonwa nosho yo ouvidio hava pondola, mwa kwatelwa oko taka ti, Omolwashike u na okukonakona Ombibeli? — w18.10, ep. 16.

Ongahelipi Ovakriste tava dulu ‘okulanda oshili’ ngaashi sha popiwa mOmayeletumbulo 23:23?

Ihatu lande oshili noimaliwa. Ashike otwa pumbwa okulongifa efimbo nokuninga eenghendabala opo tu i mone. — w18.11, ep. 4.

Oshike hatu dulu okulihonga shi na sha nanghee Hosea a li a ungaunga nomukulukadi waye, Gomer?

Gomer okwa haela lwoikando, ashike Hosea okwa li e mu dimina po nokwa kala e mu hombola. Ngeenge kaume kopahombo Omukriste okwa i moluhaelo, kaume kopahombo oo ehe na ondjo ota dulu oku mu dimina po. Ngeenge okwa kala e na ekwatafano lopamilele nakaume kopahombo oo e na ondjo, kape na vali etomheno lopamishangwa lokuteya ohombo. — w18.12, ep. 13.