Mbela oto dulu okunyamukula omapulo oo a kanghamena kEeshungonangelo domo 2019?

Kalunga okwa li a hala okutya ngahelipi eshi a ti: “Oshilwifo keshe tashi hambulwa shi ku lwife, otashi nyengwa”? (Jes. 54:17)

Ohatu dulu okukala noushili kutya Kalunga ote ke tu amena ‘kehandu lovakolokoshi.’ (Jes. 25:4, 5) Oudjuu keshe ovatondi vetu tave tu etele itau kalelele. — w19.01, ep. 6-7.

Onghedi omo Kalunga a li ha ungaunga nOvakaanan nosho yo nOvaisrael ovo va li ihava dulika oya ulika ngahelipi ouyuki waye?

Kalunga okwa li ha handukile ovo hava kufa ombinga moluhaelo la nyata nosho yo ovo hava hepeke ovakainhu nounona. Okwa li ha nangeke noupuna ovapiya vaye ngeenge ova kala ovadiinini kuye nohava ungaunga navakwao pauyuki. — w19.02, ep. 22-23.

Oshike tu na okuninga po ngeenge omunhu oo ta ilikana ke fi Ondombwedi yaJehova?

Ohatu dulu okukala twa mwena hatu shi ningi nefimaneko, ashike inatu tya “amen,” noinatu likwata meenyala. Ohatu dulu okwiilikana momutima. — w19.03, ep. 31.

Okuhepeka ounona pamilele osha kwata moiti shi fike peni?

Okuhepeka ounona pamilele oku Ii enyono kwaao a ninga oshihakanwa, keongalo, komapangelo opanhu nosho yo kuKalunga. Ovakulunhuongalo ohava kendabala okudulika keemhango doshilongo di na sha nokulopota enyono li na sha nokuhepeka okaana pamilele. — w19.05, ep. 9-10.

Ongahelipi to dulu okulundulula omadiladilo oye?

Eenghatu odo to dulu okukatuka: Popya naJehova meilikano. Dilonga kwaasho wa lesha. Hoolola ookaume vawa. — w19.06, ep. 11.

Oshike tu na okuninga po paife opo tu lilongekidile omahepeko?

Otwa pumbwa okupameka ekwatafano letu naJehova. Otwa pumbwa okukala tu na elineekelo kutya oku tu hole noke na efiku e tu fiye po. Kala ho lesha Ombiibeli efiku keshe nokwiilikana pandjikilile. Kala u na elineekelo kutya omaudaneko Ouhamba otaa ka wanifwa shili. Kala u shii momutwe omishangwa odo u hole nosho yo omaimbilo amwe Ouhamba. — w19.07, ep. 2-4.

Oshike tu na okuninga po opo tu kwafele ovapambele vetu va ka xupifwe?

Osha fimana oku va ulikila olukeno, oku va pa oundombwedi okupitila moshihopaenenwa shetu shiwa, okukala ovalididimiki notu na elungi. — w19.08, ep. 15-17.

Ohatu tulumukifwa ngahelipi ngaashi Jesus a udaneka muMateus 11:28?

Otu na ovakwatelikomesho vopaKriste ovanahole, ookaume va denga mbada nosho yo oilonga itunhula. — w19.09, ep. 23.

Ongahelipi Kalunga he tu pe ehalo neenghono tu longe ehalo laye? (Fil. 2:13)

Ngeenge hatu lesha Eendjovo daKalunga nokudilonga kudo, ohe tu pe eenghono nehalo lokulonga ehalo laye. Omhepo yaye ohai tu kwafele tu dule okuwanifa po oilonga yetu. — w19.10, ep. 21.

Eenghatu dopandunge dilipi twa pumbwa okukatuka ofimbo inatu ninga etokolo la kwata moiti?

Otwa pumbwa okukatuka eenghatu dopatano: Ninga omapekapeko. Ilikana u mone ounongo. Konakona omalinyengotomheno oye. Litulila po omalalakano okondadalunde. Kala u na etaleko li li pandjele. — w19.11, ep. 27-29.

Mbela ediladilo lomwenyo ihau fi ola hovela peenghundafana daSatana naEva?

Otashi dulika hasho. Satana okwa li a lombwela Eva kutya itaka fya nandenande. Kape na nande ediladilo la kanghamena komahongo oipupulu la li la xupa pEyelu laNoa. Ediladilo lomwenyo ihau fi otashi dulika la hovela ofimbo Kalunga ina dongakanifa omalaka poshungo yaBabel. — w19.12, ep. 15.