Mbela omafimbo amwe oho mono shidjuu okudimbuluka oshinima osho opo ashike wa konakona? Oshinima osho ohashi ningilwa keshe umwe womufye. Oshike to dulu okuninga? Endulula oitwa ya fimana.

Eshi to konakona, kendabala okukanghama po nokudiladila kwaasho wa lesha. Osho osho omuyapostoli Paulus a li a ladipikila ovamwatate novamwameme va ninge, ngeenge tava konakona onhumwafo yaye, okwa ti: ‘Oshitwa sha fimanenena osheshi.’ (Heb. 8:1) Kungaho, okwa li e va kwafela va ude ko osho a hala okutya, nanghee oinima oyo a popya ya pambafana.

Konima eshi wa mana okukonakona, oto dulu okulongifa nande ominute omulongo opo u dilonge kwaasho wa lesha. Ngeenge ito dimbuluka oitwa nawa, tala natango oupalanyole, ile u lesha etumbulo lotete mokatendo keshe, opo shi ku kwafele u dimbuluke. Ngeenge owe lihonga oshinima shipe, kendabala oku shi yelifa noitya yoye. Ngeenge owa kala ho diladila kwaasho we lihonga, otashi ka kala shipu kwoove oku shi dimbuluka.