Ngeenge hatu lilongekida okukonakona, otashi dulika tu lipule kutya: ‘Onda teelela okulihonga shike?’ Ashike otu na okukala twa lungama tuha pofipalekwe kwaasho twa teelela, ndele hatu kala inatu didilika kutya Jehova ote tu hongo shike. Ongahelipi hatu dulu okukala hatu konenene osho Jehova te tu hongo, ngeenge hatu konakona?

Ilikana u pewe ounongo. Pula Jehova e ku kwafele u ude ko osho a hala u lihonge paife. (Jak. 1:5) Henuka okukala wa wanenwa kwaasho u shii nale. — Omayel. 3:​5, 6.

Efa eenghono dOmbiibeli di ku kwafele monghalamwenyo yoye. “Eendjovo daKalunga odi na omwenyo.” (Heb. 4:12) Efimbo keshe hatu lesha Eendjovo daKalunga di na “omwenyo,” ohatu dulu okulihonga mo sha shipe, ndele ongeenge ashike twa dimina kutya otwa pumbwa osho Kalunga te tu hongo.

Kala wa lenga ouyelele aushe oo Jehova te tu pe. Eendja dopamhepo oda fa “oitendele.” (Jes. 25:6) Ino nuka po okulesha ouyelele umwe, oo to diladila kutya ito ka hafela oku u konakona. Ngeenge owe u lesha, oto ka xwepopaleka omaukwatya oye, noto ka hafela okukonakona.