Atusheni otu na efimbo la ngabekwa lokukonakona paumwene. Ongahelipi hatu dulu oku li longifa nawa? Tete, longifa efimbo la wana mwaasho to lesha. Oto ka mona ouwa muhapu, ngeenge owa konakona noukeka ouyelele munini shi dulife okulesha ouyelele muhapu to endelele.

Pitifa komesho oinima oyo ya fimanenena. (Ef. 5:15, 16) Apa otapa shikula omaetepo amwe:

• Lesha Ombiibeli efiku keshe. (Eps. 1:2) Otashi dulika shiwa okuhovela nelandulafano lelesho lOmbiibeli lokwoongala kwomokati koshivike.

• Lilongekidila ekonakono lOshungonangelo nosho yo okwoongala kwomokati koshivike. Lilongekida nawa, opo u ka dule okuyandja etyekosha. — Eps. 22:22.

• Alikana kendabala yo okulesha nokutala eendja dikwao dopamhepo, ngaashi oifo yetu yomoukalele, ouvidio nosho yo ouyelele oo u li ko jw.org.

• Konakona oshikundafanwa osho u na ohokwe musho. Oto dulu okuninga omapekapeko e na sha noupyakadi oo wa taalela, epulo olo u na, ile oshikundafanwa shopaMbiibeli osho wa hala okuuda ko nawa. Opo u mone nghee u na oku shi ninga, tala oshitukulwa “Bible Study Activities” osho shi li ko jw.org.