NGHEE HATU DULU OKWEEFA PO OUTONDWE
4 | Oto dulu okufinda outondwe kekwafo laKalunga
Osho Ombiibeli tai ti:
“Oiimati yomhepo oyo ei, ohole, ehafo, ombili, onheni, olune, ouwa, eitavelo, omwenyo muwa nelipangelo.” — OVAGALATI 5:22, 23.
Osho osha hala okutya:
Ohatu dulu okufinda outondwe kekwafo laKalunga. Omhepo yaye iyapuki otai dulu oku tu kwafela tu kulike omaukwatya oo tashi dulika itatu dulu okukulika kufye vene. Ponhele yokukendabala okufinda outondwe kufye vene, otwa pumbwa okulineekela muKalunga, opo e tu kwafele. Ngeenge otwa kala twe lineekela muKalunga, ohatu ka kala tu udite ngaashi omuyapostoli Paulus, oo a ti: “Ohandi dulu okufinda onghalo keshe omolwaau ta pe nge eenghono.” (Ovafilippi 4:13) Ohatu ka dula okupopya hatu ti: “Ekwafo lange otali di kOmwene.” — Epsalme 121:2.
Osho to dulu okuninga:
“Jehova okwa lundulula nge; nda li omulumenhu welongifo leenghono, ndele ta ningi nge omunambili.” — WALDO
Ilikana kuJehova, to mu pula e ku pe omhepo yaye iyapuki. (Lukas 11:13) Mu pula e ku kwafele u dule okukulika omaukwatya mawa. Konakona osho Ombiibeli tai ti kombinga yomaukwatya oo haa kufa po outondwe, ngaashi ohole, ombili, onheni nelipangelo. Tala kutya ongahelipi to dulu okuulika omaukwatya oo monghalamwenyo yoye. Panga oukaume naavo hava kendabala okukulika omaukwatya oo. Ookaume va tya ngaho otave ke tu ‘linyengifa tu kale tu holafane nohatu longo oilonga iwa.’ — Ovaheberi 10:24.
Otashi dulika yo u hafele oikundafanwa ei
OMAPULO OPAMBIIBELI A NYAMUKULWA
Ombiibeli otai ti ngahelipi kombinga yehandu?
Mbela ehandu ohali kala alushe la yuka? Oshike wa pumbwa okuninga po ngeenge owa hovele okuhanduka?
