Kovaleshi vetu
Oshifo eshi to lesha paife osha hovela okunyanyangidwa muJuli 1879. Eenghalo oda enda tadi lunduluka okudja momudo oo, onghee hano, opa ningwa yo omalunduluko onhumba moshifo eshi. (Tala omafano pombada.) Oto ka mona omalunduluko a wedwa po e na sha nomutungilo wOshungonangelo okudja muJanuali. Omalunduluko ashike taa ka ningwa po?
Moilongo ihapu, ovanhu vahapu ove hole okukonga ouyelele kointaneta. Ohashi kala shipu okumona nokulesha ouyelele wonhumba oo tau hangwa ashike kointaneta. Omambo mahapu, oifo noifokundaneki otai dulu okuleshwa kointaneta.
Molwaashi ovanhu vahapu ove hole okulesha kointaneta, otwa lundulula o-Web site yetu, twe i ninga ihokwifa noipu okulongifwa. Ovo hava i ko-Web site yetu otava ka dula okulesha oishangomwa oyo tai hangwa ko momalaka e dulife po 430. Okuhovela momwedi ou, ovo hava i ko-Web site yetu otava dulu yo okulesha oitukulwa imwe oyo ya li nale hai piti pandjikilile moifo yetu oyo hai nyanyangidwa, ndele paife otai ka kala ashike hai piti kointaneta. a
Molwaashi ohatu ka kala hatu tula oitukulwa ihapu kointaneta, Oshungonangelo yomoukalele itai ka kala vali ina omapandja 32 ndele omapandja ashike 16. Oshungonangelo ohai nyanyangidwa nale momalaka 204. Ndele eshi paife ya ninga ixupi, otai dulu okutolokwa momalaka mahapu e dulife pwaao.
Otwe lineekela kutya omalunduluko oo otae ke shi ninga shipu tu udifile ovanhu vahapu etumwalaka lOmbibeli olo tali xupifa eemwenyo. Otwa tokola toko okutwikila okuyandja ouyelele wa denga mbada nouhokwifa, okupitila moishangomwa ya nyanyangidwa nosho yo kointaneta opo ovaleshi vetu vahapu ovo va fimaneka Ombibeli va mone ouwa nova shiive kutya otai hongo lela shike.
Omunyanyangidi
a Imwe yomoitukulwa oyo tai ka kala ashike kointaneta ongaashi ei tai landula: “For Young People” (Oitukulwa yovanyasha), oyo ya nuninwa ovanyasha ovo ve na ohokwe mokukonakona Ombibeli nosho yo “My Bible Lessons” (Osho handi lihongo mOmbibeli), oitukulwa ya landulafana oyo ya nuninwa ovadali va kwafele ounona vavo ovo ve na eedula nhatu ile vanini.
Otashi dulika yo u hafele oikundafanwa ei
OILONGA YOKUNYANYANGIDA
Okavidio komafano tae linyenge: Oshungonangelo ya hovelwa okunyanyangidwa okudja mo 1879
Tala nghee oshungonangelo ye enda tai lunduluka momukokomoko womido mounyuni aushe.
