Paulus naSilas ova li hava hambelele Kalunga nomaimbilo eshi va li modolongo. (Oil 16:25) Omafimbo opo a di ko, ovaitaveli vakwetu ova li hava imbi omaimbilo Ouhamba ofimbo va li mokamba yaSachsenhausen pefimbo loNazi moGermany nosho yo moukwatwa moSiberia. Oihopaenenwa oyo otai ulike kutya omaimbilo okwa pameka Ovakriste ovo va li va talela eenghalo didjuu.

Mafiku, omalaka mahapu ota kala e na eimbilo lipe li na oshipalanyole ‘Imbileni Jehova nehafo.’ Ngeenge otwa mono omaimbilo etu, natu kale hatu liendifa po pefimbo lelongelokalunga loukwaneumbo opo tu a koneke momutwe. (Ef 5:19) Omhepo iyapuki otai ke tu kwafela tu a dimbuluke ngeenge opa holoka eenghalo didjuu. Omaimbilo Ouhamba ohae tu kwafele tu yandje elitulemo keteelelo olo twa tuvikililwa. Ohae tu kwafele yo tu pule komesho ngeenge twa taalela omaupyakadi. Nokuli nonande katu li meenghalo didjuu, otashi ke tu kwafela tu imbe omaimbilo ‘nehafo’ molwaashi omitima detu oda tunhukwa. (1Omaf 15:16; Eps 33:1-3) Atusheni natu konge efimbo opo tu imbe omaimbilo Ouhamba ngeenge otwe a mono.

TALENI OKAVIDIO EMBO LEIMBILO OLA PULA OILONGA IHAPU, OPO NEE TAMU KUNDAFANA OMAPULO TAA SHIKULA:

• Eenghalo dilipi da ningifa omumwatate Frost a tote eimbilo?

• Ovamwatate ovo va li mokamba yaSachsenhausen ova li va tuwa omukumo ngahelipi kulo?

• Eenghalo defiku keshe dilipi ho shakeneke omo omaimbilo Ouhamba taa dulu oku ku pameka?

• Eimbilo lilipi wa hala okukoneka ile okushiiva momutwe?