Okudja neudo, otu na eemhito dihapu dokulilongekidila Edimbuluko lefyo laKristus. Ngeenge Edimbuluko ola wile mokati koshivike, Okwoongala kwOnghalamwenyo yopaKriste itaku ka kala ko. Ngeenge ola wile mexuliloshivike, Oshungonangelo yokukonakona noshipopiwa shomoipafi itai ka kala ko. Mbela osho itashi ke ku kwafela u kale u na efimbo lihapu lokulilongekidila Edimbuluko? Ngaashi ashike sha li mefelemudo lotete, ohashi pula efimbo lihapu okulilongekidila palutu oshiningwanima osho sha fimanenena. (Luk 22:7-13; km 3/15 1) Ashike nande ongaha, atusheni otwa pumbwa okulongekida omitima detu. Ongahelipi hatu dulu okuninga ngaho?

• Tala nghee sha fimana okukala pEdimbuluko. — 1Kor 11:23-26

• Ilikana nokudiladila kombinga yekwatafano loye naJehova. — 1Kor 11:27-29; 2Kor 13:5

• Lesha nokudilonga koishangomwa yopaMbiibeli oyo ya kundafana kombinga yEdimbuluko. — Joh 3:16; 15:13

Ovaudifi vamwe ove hole okulesha nokudilonga komishangwa di na sha nEdimbuluko odo tadi hangwa mokambo Konakona Omishangwa keshe efiku. Ovaudifi vamwe ove hole okukonakona oshimhungu osho sha faafana naashi. Vamwe ove hole okulesha oitukulwa yOshungonangelo oyo ya kundafana kombinga yEdimbuluko nosho yo kohole yaJehova naJesus oyo ve tu ulikila. Keshe oshitukulwa osho wa hoolola okukonakona, otashi ke ku kwafele u ehene popepi elela naJehova nosho yo nomona waye.