Jakob okwa li a kondja nomweengeli omolwoshinima sha fimanenena, okunangekwa noupuna kuJehova. (Gen 32:24-31; Hos 12:3, 4) Ongahelipi kombinga yetu? Mbela otu na ngoo ehalo okukondja twa mana mo opo tu dulike kuJehova nokunangekwa noupuna kuye? Pashihopaenenwa, ngeenge ou na okuhoolola pokati kokuya kokwoongala nokulonga olutaima koilonga yokulikongela omboloto, mbela oto ka hoolola po shilipi? Ngeenge ohatu longifa efimbo letu lihapu, eenghono nosho yo oiniwe yetu mokulongela Jehova, ote ke tu lokifila “enangekonoupuna la wanenena.” (Mal 3:10) Ote ke tu wilika, te ke tu amena nokufila oshisho eemhumbwe detu. — Mat 6:33; Heb 13:5.

TALENI OKAVIDIO KALA TO YANDJE ELITULEMO KOMALALAKANO OYE OPAMHEPO, NDELE TAMU KUNDAFANA OMAPULO TAA SHIKULA:

• Ongahelipi omumwameme a li a yelekwa koshinima shimwe osho a li e hole?

• Ongahelipi oilonga yetu tai dulu okukala eyeleko kufye?

• Omolwashike Timoteus a li e na okukala te litulile po omalalakano nokuli naashi a li a pyokoka pamhepo? — 1Tm 4:16

• Ohatu ulike ngahelipi kutya oilonga ilipi ya fimanenena kufye?