Jesus okwa yamba po omwenyo waye omolwovanhu inava wanenena. (Rom 5:8) Kape na omalimbililo kutya keshe umwe okwa pandula pauhandimwe eshi Jesus e liyandja omolwetu. Kakele kaasho, otu na okudimbuluka kutya Jesus okwa fila yo vakwetu. Ongahelipi hatu dulu okuulikila ovamwatate novamwameme ovo inava wanenena ngaashi fye ohole ya fa yaKristus? Natu tale keenghedi dopatatu. Yotete, ohatu dulu okupanga oukaume novanhu ovo va dja momaputuko a yoolokafana. (Rom 15:7; 2Kor 6:12, 13) Onhivali, natu lungame okupopya ile okuninga oinima oyo tai dulu okuhandukifa vamwe. (Rom 14:13-15) Yaxuuninwa, ngeenge umwe okwe tu udifa nai, inatu ongaonga oku mu dimina po. (Luk 17:3, 4; 23:34) Ngeenge otwa hopaenene Jesus meenghedi odo, Jehova ota ka twikila okunangeka noupuna eongalo nombili nonoukumwe.

TALENI OKAVIDIO KALA OMUKRISTE E NA OMAUKWATYA MAWA! NDELE TAMU KUNDAFANA OMAPULO TAA SHIKULA:

• Miki okwa li e uditile eongalo laye ngahelipi potete?

• Oshike sha lundulula etaleko laye?

• Oshihopaenenwa shaJesus osha kwafela ngahelipi Miki a lundulule etaleko laye? (Mark 14:38)

• Ongahelipi Omayeletumbulo 19:11 taa dulu oku tu kwafela tu kale tu na etaleko liwa nOvakriste vakwetu?