Mbela ou li pokati komido 23 fiyo 65 nou li moilonga yefimbo liyadi? Mbela ou na oukolele, noto dulu okulonga opo pe na omhumbwe inene? Ngeenge enyamukulo loye oheeno komapulo oo, mbela owa diladila nale okuninga eindilo uye kOfikola yOvaudifi vOuhamba? Okudja eshi ongudu yotete ya ningwa, ovalihomboli omayovi, ovamwatate inava hombola nosho yo ovamwameme inava hombolwa ova li va ninga omaindilo. Ashike otwa pumbwa ovamwatate vahapu inava hombola va ninge omaindilo. Ilikana kuJehova u kale u na ehalo oku mu hafifa nokuhopaenena Omona waye. (Eps 40:8; Mat 20:28; Heb 10:7) Opo nee konakona kutya ongahelipi to dulu okuninipika oinakuwanifwa yopaumwene opo u dule okukala wa wana okuninga eindilo.

Omaufembanghenda oilonga elipi a yeulukila ovo va deulwa kofikola oyo? Vamwe ovo va deulwa kofikola oko, ova tumwa va ka longe koitukulwa oko haku popiwa omalaka amwe e lili ile va ka kufe ombinga monghedi ye likalekelwa yokuyandja oundombwedi meenhele daaveshe. Vamwe lwanima ova ka longa ve li ovakwafeli vovapashukilishikandjo, ovapashukilishikandjo ile ovatumwa vomoukalele. Eshi to diladila kwaasho to dulu okulonga moilonga yaJehova, kala u na oikala ya fa yomuprofeti Jesaja oo a ti: “Aame ou, tume nge!” — Jes 6:8.

TALENI OKAVIDIO OVATUMWA VOMOUKALELE — OVALONGI MOILONGA YETEYO, NDELE TAMU KUNDAFANA OMAPULO TAA SHIKULA:

• Ovatumwa vomoukalele ohava hoololwa ngahelipi?

• Ovatumwa vomoukalele otava longo oilonga iwa ilipi?

• Omanangeko noupuna amwe elipi haa hafelwa kwaavo ve li moilonga youtumwa?