Eshi Jesus a li kombada yedu, okwa li a divilika oshipango osho tashi ti: “Fimaneka xo nanyoko.” (Ex 20:12; Mat 15:4) Jesus okwa li ta dulu okupopya oshipango osho a manguluka molwaashi “okwa li ha dulika” kovadali vaye eshi a li omunyasha. (Luk 2:51) Jesus okwa li a shilipaleka kutya ope na oo ta file ina oshisho nokuli nokonima yefyo laye. — Joh 19:26, 27.

Nokunena ovanyasha ovo va fimaneka ovadali vavo, ohava dulika kuvo mokupopya navo nefimaneko. Oshipango osho otashi longo kukeshe umwe kashi na nee mbudi kutya ou fike peni. Nokuli nonande ovadali vetu ovanamido, ohatu dulu okutwikila oku va fimaneka nokumona ouwa mounongo wavo. (Omayel 23:22) Ohatu ulike kutya otwa fimaneka ovadali vetu ovanamido moku va fila oshisho pamaliudo nopainiwe. (1Tim 5:8) Ohatu ka ulika kutya otwa fimaneka ovadali vetu ngeenge otwa kala hatu popi navo nawa kashi na nee mbudi kutya otu li ovanyasha ile ovakulunhu.

TALAENI OKAVIDIO ONDI NA OKUPOPYA NGAHELIPI NOVADALI VANGE?, NDELE TAMU KUNDAFANA OMAPULO TAA SHIKULA:

• Omolwashike tashi dulika shi kale shidjuu okupopya novadali voye?

• Ongahelipi to dulu okuulika kutya owa fimaneka ovadali voye ngeenge to popi navo?

• Omolwashike sha fimana okuninga eenghendabala okupopya novadali voye? (Omayel 15:22)