OMOLWASHIKE SHA FIMANA: Ngeenge ‘eemhangela domutima womunhu odi li ngaashi omeva malemale,’ otwa pumbwa okulongifa omapulo, oo e li okavela kopafaneko, opo tu teke mo omeva oo. (Omayel 20:5) Omapulo ohaa kwafele omupwilikini naye a kale ta kufa ombinga. Omanyamukulo omapulo a hoololekeka ohaa kwafele omunhu a mone oshitwa osho sha fimanenena. Jesus okwa li ha longifa omapulo noukeka. Ongahelipi hatu dulu oku mu hopaenena?

NGHEE U NA OKU SHI NINGA:

• Pula omapulo oo tae ku kwafele u mone etaleko lomupwilikini. Jesus okwa li a pula omapulo a shikulafana opo a mone osho ovahongwa vaye tava diladila. (Mat 16:13-16; be 238 okat. 3-5) Omapulo elipi to dulu okulongifa opo u mone etaleko lomupwilikini?

• Longifa omapulo oo taa kwafele omupwilikini a fike pexulifodiladilo. Opo Jesus a pukulule Petrus, okwa li e mu pula omapulo oo e mu kwafela a fike pexulifodiladilo li li mondjila moku a nyamukula. (Mat 17:24-26) Omapulo elipi to dulu okulongifa opo u kwafele omunhu a fike pexulifodiladilo li li mondjila?

• Pandula omupwilikini woye. Konima eshi omunongo womishangwa umwe a “nyamukula nawa,” Jesus okwe mu pandula. (Mark 12:34) Ongahelipi to dulu okupandula umwe oo a nyamukula mondjila?

DANA OSHITUKULWA SHOTETE SHOKAVIDIO LONGA OILONGA OYO JESUS A LONGA — HONGA, NDELE TO NYAMUKULA OMAPULO TAA SHIKULA:

• Omolwashike onghedi oyo yokuhonga ya puka nonande ouyelele oo tau yandjwa ou li mondjila?

• Omolwashike twa pumbwa okulonga shihapu shihe fi ashike okuyelifa ouyelele?

DANA OSHITUKULWA OSHITIVALI SHOKAVIDIO LONGA OILONGA OYO JESUS A LONGA — HONGA, NDELE TO NYAMUKULA OMAPULO TAA SHIKULA:

• Omumwatate okwa longifa ngahelipi omapulo noukeka?

• Eenghedi dimwe dokuhonga dilipi a longifa hatu dulu okuhopaenena?