OKUKALA OMUKRISTE WASHILI
Teelela nelididimiko!
Owa kala wa teelela efimbo li fike peni Ouhamba waKalunga u uye? Mbela oto lididimikile eenghalo didjuu? (Rom 8:25) Ovakriste vamwe ove tondike, hava ungaungiwa navo nonyanya, va tulwa meedolongo ile va ningilwa omatilifo kutya otava dipawa. Ofimbo Ovakriste vahapu otave lididimikile ouyahame wa kwata moiti ile oukulupe.
Oshike tashi tu kwafele tu kale twa teelela nodjuulifi eshi tu li meenghalo odo? Natu kale hatu pameke eitavelo letu mokukala hatu lesha Ombiibeli efiku keshe nokudilonga. Natu kale hatu yandje elitulemo keteelelo litunhula. (2Kor 4:16-18; Heb 12:2) Natu kale hatu ilikana kuJehova noku mu pula e tu pe omhepo yaye iyapuki. (Luk 11:10, 13; Heb 5:7) Tate yetu omunahole ote ke tu kwafela tu ‘lididimike moudjuu keshe tu na outalonheni’ nehafo. — Kol 1:11.
TALENI OKAVIDIO NATU “LOTOKE NOKUDIININA” — TU NA ELINEEKELO KUTYA OHATU KA MONA ONDJABI, NDELE TAMU KUNDAFANA OMAPULO TAA SHIKULA:
-
“Oiningwanima yombaadilila” ilipi tai dulu oku tu hanga? (Omuud 9:11, NW)
-
Eilikano ohali tu kwafele ngahelipi ngeenge twa taalela omaupyakadi?
-
Ngeenge itatu dulu vali okulonga shihapu moilonga yaJehova, omolwashike tu na okuyandja elitulemo kwaasho hatu dulu okuninga paife?
-
Kala wa tala kondjabi
Oshike she ku kwafela u kale u na elineekelo kutya oto ka mona ondjabi?
