Oho kala ngoo u wete oilonga oyo ya longwa kOmushiti ngeenge to tale keengala, keenyofi nosho yo keu lomeva? Eshito laJehova olo le tu dingilila otali holola omaukwatya aye ehe wetike. (Rom 1:20) Ngeenge otwa kala hatu konenene eshito laJehova, ohatu ka mona kutya omunaenghono, omunahole, omunongo, omuyuki noha yandje. — Eps 104:24.

Oho kala ngoo u wete oilonga imwe yaJehova efiku keshe? Nonande oho di modoolopa, otashi dulika ho mono oudila ile omiti. Ngeenge otwa kala hatu konenene noukeka eshito laJehova, otashi ke tu kwafela tuha kale tu na oshisho sha pitilila, tuha yandje elitulemo komaupyakadi etu, nohatu ka kala tu na eitavelo kutya Jehova ote tu file oshisho fiyo alushe. (Mat 6:25-32) Ngeenge ou na ounona, va kwafela va mone kutya Jehova oku na omaukwatya akumwifi. Ohatu ka ehena popepi elela nOmushiti wetu ngeenge otwa kala hatu konenene noukeka eshito laye. — Eps 8:3, 4.

TALENI OKAVIDIO ESHITO LIKUMWIFI OTALI HOLOLA OMAUKWATYA AKALUNGA — OUYELELE NOMALUVALA, NDELE TAMU KUNDAFANA OMAPULO TAA SHIKULA:

• Oukwatya woshipa ile woipeta ohau tu kwafele ngahelipi tu mone omaluvala oinima?

• Oshike hashi ningifa oinima imwe i kale i na omaluvala taa taima?

• Omolwashike keulu haku kala omaluvala a yoolokafana?

• Omaluvala omeshito elipi hae ku kumwifa momudingonoko weumbo leni?

• Omolwashike tu na okukala hatu konenene oinima meshito?