Ngeenge ou li omunyasha Omukriste ile omukonakonimbiibeli, mbela owe litulila po ngoo elalakano lokuninginifwa? Omolwashike wa hala okuninginifwa? Okuliyapulila Jehova nokuninginifwa ohaku tu kwafele tu kale tu na ekwatafano le likalekelwa naye. (Eps 91:1) Otaku tu kwafele yo tu ka xupifwe. (1Pe 3:21) Ongahelipi to dulu okuninga exumokomesho fiyo oposhitwa shokuliyapulila Kalunga nokuninginifwa?

Kala wa tomhwa pauhandimwe kutya ei oshili. Ngeenge ou na omapulo, ninga omapekaapeko u mone omanyamukulo omapulo oo. (Rom 12:2) Tala kutya omalunduluko elipi wa pumbwa okuninga, nokushilipaleka kutya oto a ningi molwaashi wa hala okuhafifa Jehova. (Omayel 27:11; Ef 4:23, 24) Ilikana alushe Jehova e ku kwafele. Kala wa shilipalekwa kutya ote ke ku pameka noku ku yambidida nomhepo yaye iyapuki oyo i na eenghono. (1Pe 5:10, 11) Eenghendabala odo to ningi otadi ti sha lela. Okulongela Jehova oko onghedi ya denga mbada yokukalamwenyo. — Eps 16:11.

TALENI OKAVIDO OKUNINGA EXUMOKOMESHO FIYO OSHESHI WA NINGINIFWA, NDELE TAMU KUNDAFANA OMAPULO TAA SHIKULA:

• Omashongo amwe elipi vamwe va finda opo va dule okuninginifwa?

• Ongahelipi to dulu okukulika eitavelo olo la pumbiwa opo u dule okuliyapulila Jehova?

• Oshike she linyengifa vamwe va katuke eenghatu odo da pumbiwa opo va dule okuninginifwa?

• Ovo va hoolola okulongela Jehova, ohava mono omanangeko noupuna elipi?

• Eliyapulo neninginifo otali ti shike?