Omolwashike hatu hafele neenghono oyoongalele yetu yokomudo? Ngaashi muIsrael shonale, oyoongalele yopefimbo letu ohai tu pe omhito tu longele Jehova novaitaveli vakwetu omafele, ile nokuli omayovi. Ohatu hafele oitendele yeendja dopamhepo dihapu. Otwa lenga yo efimbo li na ondilo olo hatu kala nookaume nosho yo novapambele vetu. Olupandu letu linene ohali tu linyengifa tu kale po omafiku aeshe atatu poshoongalele.

Ngeenge twa ongala pamwe, inatu pumbwa ashike okudiladila kouwa oo hatu mono, ndele okunghee yo hatu dulu okuulikila vamwe ohole. (Gal 6:10; Heb 10:24, 25) Ngeenge otwa pe omhito omumwatate ile omumwameme a pite tete ile twa valeke oipundi oyo ashike twa pumbwa, ohatu ka ulika kutya ohatu lalakanene yo ouwa wa vakwetu. (Flp 2:3, 4) Oyoongalele ohai tu pe eemhito diwa tu pange oukaume. Ofimbo oshoongalele inashi hovela, konima eshi sha pwa nosho yo pefimbo lomusha ohatu dulu okulitulila po elalakano tu popye novanhu ovo tuhe shii. (2Ko 6:13) Oukaume oo hatu pange peemhito da tya ngaho, otau dulu okukalelela! Komesho yaaishe, ovo tave tu tale ngeenge ova mono kutya otu na ohole yashili, otashi dulika shi ve linyengife ve tu waimine mokulongela Jehova. — Joh 13:35.

TALENI OKAVIDIO “OHOLE IHAI XULU PO NANDE”! OYOONGALELE YOPAIWANA, NDELE TAMU KUNDAFANA OMAPULO TAA SHIKULA:

• Ovo va li va ya koyoongalele yopaiwana yomo 2019, ova li va ulikilwa ohole ngahelipi?

• Omolwashike oukumwe nohole oyo i li mokati koshiwana shaJehova i didilikwedi neenghono?

• Oilyo yolutuwiliki oya li ya divilika eenghedi dilipi omo Ovakriste hava ulike ohole?

• Ongahelipi ohole yopaKriste ya hanganifa ovamwatate muGermany nomoSouth Korea?

• Otwa pumbwa okukala twa tokola toko okuninga shike?