Otu li mounyuni oo hau ti kutya ouwa oo owii nowii oo ouwa. (Jes 5:20) Shinyikifa oluhodi, ovanhu vamwe ohava ningi oinima oyo Jehova e tonde mwa kwatelwa elihumbato inali koshoka olo hali kala pokati kovanhu voukashike kookanhu wa faafana. Oomakula kofikola ile ovanhu vamwe otashi dulika va kendabale okunwefa mo ovanyasha va shikule oikala yavo ii. Ongahelipi tamu dulu okukwafela ovana veni va taalele eshongo olo ile limwe la fela oko nomupondo?

Deuleni ovana veni va kale ve shii omifikamhango daJehova. (Lev 18:3) Va hongeni kutya Ombiibeli otai ti shike kombinga yomilele, naasho tamu va lombwele oshe likolelela komido davo nokwaasho tava dulu okuuda ko pefimbo opo. (Deut 6:7) Lipula kutya: ‘Mbela onda honga ngoo ovana vange nghee ve na okuulika ohole pandjele, nghee sha fimana okudjala nokuliwapeka monghedi i li nawa, nanghee vamwe ve na okukala va fimaneka oinima yavo yopaumwene? Mbela ovana vange ove shii ngoo osho ve na okuninga ngeenge umwe ta kendabala oku va ulikila omafano oipala ile te va pula va ninge oshinima osho Jehova a ti osha puka?’ Okukala ve na eshiivo otaku va kwafele va henuke omaupyakadi mahapu. (Omayel 27:12; Omuud 7:12) Ngeenge omwa hongo ovana veni, otamu ka ulika kutya omu hole oshali oyo mwa pewa kuJehova. — Eps 127:3.

TALENI OKAVIDIO TUNGA EUMBO OLO TALI KALELELE — AMENA OVANA VOYE VAHA ‘LONGE OWII,’ NDELE TAMU KUNDAFANA OMAPULO TAA SHIKULA:

• Omolwashike vamwe hava ongaonga okuhonga ovana vavo kombinga yomilele?

• Omolwashike ovadali ve na okudeula ovana vavo “metwokumwe newiliko laJehova”? — Ef 6:4

• Ehangano laJehova ola yandja shike osho tashi kwafele ovadali va honge ovana kombinga yomilele? — w19.05 12, noshimhungu

• Omolwashike mu na okukundafana pandjikilile novana veni ofimbo inava hangwa komaupyakadi?