Eendjovo daKalunga otadi dulu okulundulula onghalamwenyo yetu. (Heb 4:​12) Ashike opo tu dule okumona ouwa okudja mewiliko nosho yo mepukululo lOmbiibeli, otwa pumbwa okukala twa tomwa kutya oi li shili “eendjovo daKalunga.” (1Te 2:​13) Ongahelipi hatu dulu okupameka eitavelo letu mOmbiibeli?

Lesha oshitukulwa shonhumba shOmbiibeli, efiku keshe. Eshi to lesha, konga oumbangi oo tau ulike kutya Jehova oye Omushangi wayo. Pashihopaenenwa, konakona omayele oo taa hangwa mOmayeletumbulo, ndele to didilike nghee ounongo oo u li mo tau dulu oku tu kwafela monghalamwenyo yetu. — Omayel 13:​20; 14:⁠30.

Ninga omapekapeko. Shiiva nawa oumbangi oo tau ulike kutya Ombiibeli oya nwefwa mo. MElongifwambo lokukonga Omauyelele mOishangomwa yEendombwedi daJehova, inda opo pa shangwa “Ombiibeli,” ndele to i opo pa shangwa “Oya nwefwa mo kuKalunga.” Oto dulu yo okupameka eitavelo loye kutya etumwalaka lOmbiibeli inali lunduluka mokukonakona ouyelele oo u li moAppendix A3 mOmbiibeli yo-New World Translation.

TALENI OKAVIDIO OMOLWASHIKE TU NA EITAVELO MEENDJOVO DAKALUNGA, NDELE TAMU NYAMUKULA OMAPULO TAA SHIKULA:

• Emoniko lekuma lotembeli muKanak, Egipiti, ola ulika ngahelipi kutya Eendjovo daKalunga odoshili?

  textarea-1

• Otu shi shii ngahelipi kutya etumwalaka laKalunga inali lunduluka?

  textarea-2

• Okukala u shii kutya Ombiibeli oko i li fiyo okunena, otashi ku pe oumbangi ulipi kutya oi li Eendjovo daKalunga? — Lesha Jesaja 40:8

  textarea-3