OKUKALA OMUKRISTE WASHILI
Lilongekida paife shi na sha nouhaku wopaulumomhumbwe
Omolwashike u na okulilongekida? Ouhaku wopaulumomhumbwe nosho yo okukwatelwa meembete otaku dulu okuholoka ombadilila. Onghee hano, lilongekida paife, opo u kwafelwe u ka dule okumona ouhaku u li xwepo, ngeenge osho oshe ku ningilwa. Ngeenge owa ningi ngaho, oto ka ulika kutya owa fimaneka omwenyo nosho yo omhango yaJehova i na sha nohonde. — Oil 15:28, 29.
Oshike to dulu okuninga, opo u lilongekide?
-
Ilikana, ndele to yadeke noukeka okakalata ke na sha nepopilo lokuhatulwa ohonde (DPA). a Ovaudifi va ninginifwa otava dulu okumona okakalata ko-DPA nosho yo okakalata ko-Identity Card (ic) kounona, kovamwatate ovo hava kala poishangomwa
-
Ngeenge ou na eteelelo, pula ovakulunhuongalo ombapila yOuyelele wovakulukadi ovo ve li momateelelo (S-401). Ombapila oyo, otai dulu oku ku kwafela u ninge omatokolo e li pandunge e na sha nouhaku, ngeenge opa holoka omaupyakadi pefimbo eshi u li meteelelo, ile eshi to mono okaana
-
Ngeenge oto ka pumbwa ouhaku oo tashi dulika wa kwatela mo ohonde, ile to ka nangekwa moshipangelo, lombwela ovakulunhuongalo komesho yefimbo, ndele to lombwele eendokotola kutya otaku ke uya umwe womEendombwedi daJehova
Ongahelipi ovakulunhuongalo tava dulu oku ku kwafela? Otava dulu oku ku kwafela u yadeke okakalata ko-DPA. Ashike nande ongaho, ovakulunhuongalo kave na oku ku ningila omatokolo e na sha noinima i na sha nouhaku, ile ve ku lombwele omataleko avo e na sha noinima oyo ovanhu ve na okutokola kuvo vene. (Rom 14:12; Gal 6:5) Ngeenge owa lombwele ovakulunhuongalo vomoshitukulwa kutya oto ka pumbwa ouhaku oo tashi dulika wa kwatela mo ohonde, otava ka kwatafana nOkomitiye yOkukwatafana nOipangelo (HLC) ponhele yoye.
O-HLC otai dulu ngahelipi oku ku kwafela? Ovamwatate ovo ve li koshikondo sho-HLC ova deulwa, opo va kwafele ovo hava ungaunga noinima yopaunamiti nosho yo yopaveta, va dule okuuda ko omufika wetu u na sha nokuhalongifa ohonde. Otava dulu oku kundafana nandokotola woye shi na sha nepango olo inali kwatela mo ohonde. Ngeenge osha pumbiwa otava dulu oku ku kongela ndokotola umwe oo ta longele kumwe netokolo loye li na sha nokuhatulwa ohonde.
TALENI OKAVIDIO NGHEE TO DULU OKUNINGA OMATOKOLO E NA SHA NOUHAKU U NA SHA NOHONDE, NDELE TAMU NYAMUKULA OMAPULO TAA SHIKULA:
-
Oshike we lihonga mokavidio oko, osho tashi dulu oku ku kwafela u lilongekidile ouhaku wopaulumomhumbwe wa kwatela mo ohonde?
a Oshileshwa 39 membo Nghee to dulu okuhafela onghalamwenyo fiyo alushe! otashi dulu oku ku kwafela u ninge omatokolo opaunamiti oo a kwatela mo elongifo lohonde.
