Otwa hala okuhafifa Jehova mukeshe osho hatu ningi. (Omayel 27:​11) Opo tu dule okuninga ngaho, otwa pumbwa okuninga omatokolo oo e li metwokumwe nokudiladila kwaJehova, nonande kape na omhango yokondadalunde oyo tai tu wilike. Oshike tashi dulu oku tu kwafela tu ninge ngaho?

Kala ho lesha Ombiibeli efiku keshe. Efimbo keshe hatu lesha Ombiibeli, ohatu kala twa fa tu li naJehova. Ohatu dulu okulihonga kombinga yanghee Jehova ha diladila, mokulesha kombinga yanghee a li a ungaunga noshiwana shaye nosho yo mokukonakona oihopaenenwa yaavo va li va longa osho shiwa, ile osho shii momesho aye. Ngeenge hatu ningi etokolo, omhepo iyapuki otai dulu oku tu kwafela tu dimbuluke oilihongomwa ya fimana nosho yo omafinamhango oo twe lihonga mEendjovo daKalunga. — Joh 14:⁠26.

Ninga omapekapeko. Ofimbo ino ninga etokolo, lipula kutya, ‘Omishangwa, ile omahokololo elipi e li mOmbiibeli taa dulu okukwafela nge ndi ude ko nghee Jehova e uditile oshinima shonhumba?’ Ilikana opo Jehova e ku kwafele, ndele to longifa oilongifo yokuninga omapekapeko oyo i li melaka loye, opo i dule oku ku kwafela u mone nou tule moilonga omafinamhango Ombiibeli oo tae ku kwafele monghalo yoye. — Eps 25:⁠4.

TALENI OKAVIDIO “NATU LOTOKENI NOUDIININI” — LYA OIKULYA I NA OITUNGIFI, NDELE TAMU NYAMUKULA OMAPULO TAA SHIKULA:

• Omumwameme omunyasha, oo e li mokavidio, okwa li a taalela omafininiko elipi?

  textarea-1

• Ongahelipi to dulu okulongifa oilongifo yokuninga omapekapeko i ku kwafele u ungaunge ­nomafininiko a faafana?

  textarea-2

• Ouwa ulipi hatu mono, ngeenge otwa kongo efimbo tu ninge omapekapeko nosho yo ekonakono ­lopaumwene olo tali tu kwafele tu ninge omatokolo e li pandunge? — Heb 5:​13, 14

  textarea-3