Omudo keshe, oshiwana shaJehova ohashi kala sha teelela nodjuulufi shi ka dane Edimbuluko pamwe. Komesho nosho yo konima yEdimbuluko, ohatu kongo eemhito, opo tu hambelele nokupandula Jehova omolwoshali yekulilo. (Ef 1:3, 7) Pashihopaenenwa, ohatu longo noudiinini, opo tu shive vamwe kEdimbuluko. Vamwe ohava ningi omalunduluko moinakuwanifwa yavo, opo va dule okukufa oukwafelikokolindjila nelalakano lokulonga eevili 30, ile 50 momwedi waMarsa, ile waAprili. Mbela ino hala okulonga shihapu moukalele pefimbo lEdimbuluko? Oshike tashi dulu oku ku kwafela u pondole?

Ohatu pondola luhapu, ngeenge otwe lilongekida komesho yefimbo. (Omayel 21:5) Otwa pumbwa okuhovela okulilongekida paife, molwaashi Edimbuluko oli li popepi. Diladila kunghee to dulu okutamununa mo oukalele woye pefimbo lEdimbuluko nokwaasho to dulu okuninga, opo u hange omalalakano oye. Opo nee to pula Jehova a nangeke noupuna eenghendabala doye. — 1Jo 5:14, 15.

Omeenghedi dilipi to dulu okutamununa mo oukalele woye pefimbo lEdimbuluko?