Okukala omukokolindjila wondjikilile otashi pula okuliunganeka nawa. Oto ka kala u na eemhito dokufuda po ngeenge owa kala ho longo eevili 18 oshivike keshe. Eevili doye otadi ka kala da wana nonande opa holoke oinima yombadilila ngaashi okuhena oukolele ile onghalo yomhepo ii. Oulindeli ovo ve li pedu, ove na omaetepo oo ta dulu okukwafela ovaudifi ovo hava longo omafiku amwe moshivike, ovo hava i koilonga omafiku aeshe nosho yo ovo vehe na nawa oukolele ile ve na omangabeko. Ngeenge omwa ningi omalunduluko, otashi dulika umwe womoukwaneumbo weni a ka hovele okukokola ondjila muSeptemba. Omolwashike itamu kundafana oshinima osho pelongelokalunga loukwaneumbo weni?