Omishangwa otadi tu lombwele kutya otu na okuungaunga nOvakriste ovo va kula kufye ngaashi oomeme nootate, naavo vashona kufye ngaashi eendenge detu. (Lesha 1 Timoteus 5:1, 2.) Ovamwatate ove na unene tuu okuungaunga nefimaneko novamwameme.

Omumwatate ke na okulihumbata monghedi oyo tai kokele momilele, ile oyo tai ningifa omumwameme a kale ina manguluka eshi e li puye. (Job 31:1) Omumwatate oo ina hombola ke na okudanauka nomaliudo omumwameme oo ina hombolwa, moku mu ningifa a diladila kutya okwa hala okweendelafana naye, ofimbo paulelalela ine shi lalakanena.

Ovakulunhuongalo ove na okuyandja elitulemo kovamwameme ovo hava pula omapulo nefimaneko, ile hava eta po oinima oyo ya pumbwa okupewa elitulemo. Ovakulunhuongalo ove na unene tuu okuyandja elitulemo kovamwameme ovo vehe na ookaume kopahombo, opo ve va amene. — Rut 2:8, 9.

TALENI OKAVDIO ULIKA OHOLE IHAI XULU PO MEONGALO — OVAFIYEKADI NEEFIYE, NDELE TAMU KUNDAFANA OMAPULO TAA SHIKULA:

• Ongahelipi eongalo la ulikila omumwameme Myint ohole monghedi ya denga mbada?

• Ongahelipi ohole oyo ya ulikwa keongalo, ya yandja oundombwedi muwa momukunda?

• Ongahelipi ohole oyo ya ulikwa keongalo ya kuma ovanakadona vomumwameme Myint?

Omeenghedi tadi longo dilipi to dulu okuulika kutya ou hole nou na ko nasha novamwameme meongalo leni?