Ovamwatate ohava longo noudiinini, opo va longekide oihopaenenwa yeenghundafana, novaudifi vahapu ova mona hai pondola moitukulwa yavo. Ashike molwaashi eenghalo oda yoolokafana mounyuni, ovaudifi otava dulu okulongifa moukalele omaetepo amwe, ile tava dulu okukundafana oshinima osho ovanhu ve na ohokwe moshitukulwa shavo. Osho shili kutya aveshe ove na okushikula omalombwelo e na sha noshikonga she likalekelwa. Elalakano letu okuwanifa po elondwelo laJesus li na sha nokuudifa onghundana iwa youhamba. — Mat 24:14.

Ngeenge ovaudifi ove na oipopiwa, ove na okulongifa omaetepo oo e na sha noihopaenenwa yeenghundafana oyo i li mokafo onghalamwenyo yopaKriste noilonga yokuudifa. Ashike ngeenge osha pumbiwa, otava dulu okuhoolola epulo, omushangwa, ile osho tave uya va kundafane moshikando tashi uya, ngeenge otashi wapalele moshitukulwa shavo. Osho oshi li metwokumwe nouyelele oo u li pepandja 8 mokafo kokulongifwa pokwoongala kaJuni 2020.