MOmbiibeli omu na oihopaenenwa ihapu i na sha nomailikano oo a li a nyamukulwa kuJehova. Eshi ovapiya vaJehova va li va mona nghee a pwilikina kuvo pauhandimwe nokwe va kwafela, kape na omalimbililo kutya eitavelo lavo ola li la pama. Onghee osha fimana okukala hatu ilikana kondadalunde, ndele hatu tale nghee Jehova e tu nyamukula. Kaleka momadiladilo kutya otashi dulika a nyamukule monghedi imwe i lili, ile shi dulife pwaasho twa li twa pula. (2Ko 12:7-9; Ef 3:20) Jehova ota dulu oku tu pa shike eshi ta nyamukula omailikano e tu?

• Ota dulu oku tu kwafela palutu, pamaliudo nopamhepo tu dule okuungaunga noupyakadi. — Flp 4:13

• Ounongo wokuninga omatokolo e li mondjila. — Jak 1:5

• Ehalo neenghono dokuninga sha. — Flp 2:13

• Okukala twa ngungumana ngeenge tu na oisho. — Flp 4:6, 7

• Vamwe otave ke tu kwafela palutu nopamaliudo. — 1Jo 3:17, 18

• Okukwafela ovo hatu ilikanene. — Oil 12:5, 11

TALENI OKAVIDIO JEHOVA “OMUUDI WOMAILIKANO,” NDELE TAMU NYAMUKULA OMAPULO TAA SHI KULA:

• Oshimoniwa shomumwatate Shimizu otashi tu tu omukumo ngahelipi, ngeenge otwa ngabekwa omolwoukolele?

• Ongahelipi hatu dulu okushikula oshihopaenenwa shomumwatate Shimizu?