Epsalme 51 ola shangwa kuDavid konima eshi a lombwelwa komuprofeti Natan shi na sha nenyono laye naBatseba. Eliudo laDavid ola li tali mu vele ombedi neenghono fiyo osheshi a dimina enyono laye. — 2Sam 12:1-14.

51:5, 6, 10-14, 19

• Eliudo laye ola kala noku mu vela ombedi fimbo a li ine lidilulula nokudimina enyono laye

• Okwa kala ta mono oixuna eshi a kala ina hokiwa kuKalunga nokwa li e udite ngaashi omunhu oo omakipa aye a teyauka

• Okwa li a halelela okudiminwa po, okutungulula oupamhepo waye nokukale vali a hafa ngaashi nale

• Okwa li a pula Jehova nelininipiko e mu kwafele omhepo yeduliko

• Okwa li e na elineekelo kutya Jehova ote mu dimine po