OMOLWASHIKE SHA FIMANA: Ngaashi oilongifo ihapu, omakwatafano opaintaneta otaa dulu okukala ekwafo ile omwiyo wa nyika oshiponga. Ovakriste vamwe ova hoolola okuhalongifa omakwatafano opaintaneta. Vamwe ohave a longifa opo va kwatafane novapambele vavo nosho yo ookaume. Ashike, Ondiaboli oya hala tu kale hatu longifa omakwatafano opaintaneta shihe li pandunge, osho tashi dulu okunyona po ekwatafano letu naJehova nosho yo oupamhepo wetu. Ngaashi Jesus, nafye ohatu dulu okulongifa omafinamhango omEendjovo daKalunga tu didilike mo oiponga noku i henuka. — Luk 4:4, 8, 12.

EEMWIYO ODO TU NA OKUHENUKA:

• Okulongifa omakwatafano opaintaneta shapitilila. Okulongifa efimbo lihapu momakwatafano opaintaneta otaku dulu oku tu manena po efimbo lokuninga oinima yopamhepo.

  Omafinamhango Ombiibeli: Ef 5:15, 16; Fil 1:10

• Okutala oinima tai limbilike. Okutala omafano inaa koshoka notaa limbilike otaku dulu okuningifa omunhu a kale a pikwa kokutala omafano oipala ile a ye moluhaelo. Okulesha oinima yovashunimonima ile ouyelele wavo kointaneta otaku dulu okunyona po eitavelo lomunhu.

  Omafinamhango Ombiibeli: Mat 5:28; Fil 4:8

• Okutula omafano nokuninga omatyekosha inaa koshoka kointaneta. Molwaashi omutima ou na omakoto, otashi dulika u yelekwe u tule omafano ile u ninge omatyekosha inaa koshoka kointaneta. Ashike osho otashi dulu okunyona po edina laumwe liwa nokunghundipaleka oupamhepo waye.

  Omafinamhango Ombiibeli: Rom 14:13; Ef 4:29

TALENI OKAVIDIO LUNGAMENA OMAKWATAFANO OPAINTANETA, NDELE TAMU KUNDAFANA NGHEE HATU DULU OKUHENUKA EENGHALO TADI SHIKULA: