Momaongalo etu omu na ovo va longela Jehova oule womido dihapu. Ohatu dulu okulihonga kuvo monghedi omo ve lineekela Jehova. Ohatu dulu oku va pula shi na sha nondjokonona yehangano laJehova, omashongo oo va shakeneka, nanghee Jehova e va kwafela opo ve e lididimikile. Ohatu dulu yo oku va shiva kElongelokalunga lOukwaneumbo, ndele hatu va pula ve tu lombwele oimoniwa yavo.

Ngeenge ou li Omukriste a pyokoka, lombwela Ovakriste ovanyasha oimoniwa yoye. Jakob naJosef ova li va lombwela omaludalo avo oimoniwa yavo. (Gen 48:21, 22; 50:24, 25) Lwanima, Jehova okwa ka lombwela omitwe domaukwaneumbo di honge ovana vado oinenelonga yaye. (Deut 4:9, 10; Eps 78:4-7) Kunena, ovadali nosho yo vamwe meongalo otava dulu okulombwela ovanyasha kombinga yoinima itunhula oyo va mona Jehova ta wanifa po okupitila mehangano laye.

TALENI OKAVIDIO OKUKALA MOUKUMWE NONANDE OILONGA YETU OYA SHILIKWA, NDELE TAMU KUNDAFANA OMAPULO TAA SHIKULA:

• Oshitaimbelewa shaAustria osha kwafela ngahelipi ovamwatate ovo ve li moilongo omo oilonga yetu ya li ya shilikwa?

• Ongahelipi ovamwatate moilongo oyo va kala nokupameka eitavelo lavo?

• Omolwashike ovaudifi vahapu moRomania va li ve litukula ko kehangano laJehova, nova aluka ngahelipi?

• Oimoniwa oyo oya pameka ngahelipi eitavelo loye?