OKUKALA OMUKRISTE WASHILI
Kwafela oukwaneumbo woye u kale hau dimbuluka Jehova
Jeremia okwa li a lombwelwa a londwele Ovajuda kombinga yehanauno olo la li tali ke uya molwaashi ova li va dimbwa Kalunga kavo, Jehova. (Jer 13:25) Osha enda ngahelipi opo oshiwana shi ke lihange monghalo yopamhepo ya tya ngaho? Omaukwaneumbo omuIsrael kaa li vali e lipyakidila pamhepo. Lwanima, omitwe domaukwaneumbo kada li vali hadi wanifa po elombwelo laJehova olo tali hangwa muDeuteronomion 6:5-7.
Omaukwaneumbo oo e na oupamhepo muwa, ohaa pameke omaongalo kunena. Omitwe domaukwaneumbo ohadi kwafele omaukwaneumbo ado okupitila melongelokalunga loukwaneumbo tali ti sha nohali ningwa oshivike keshe. (Eps 22:27) Konima eshi mwa tala okavidio ‘Eendjovo edi nadi kale momutima woye’ — omaukwaneumbo taa pulwapulwa, kundafaneni omapulo aa:
-
Omaukwaneumbo amwe okwa finda ngahelipi omashongo ngeenge tashi uya pelongelokalunga loukwaneumbo?
-
Omauwa amwe elipi haa di mokuninga elongelokalunga loukwaneumbo tali ti sha oshivike keshe?
-
Omashongo elipi u na ngeenge tashi uya pelongelokalunga loukwaneumbo, nongahelipi to dulu oku a finda?