OMOLWASHIKE SHA FIMANA: Ovapofi ihava kala va manguluka okupopya novanhu ovo vehe shii nale. Onghee hano, otashi pula owino opo tu udifile ovanhu va tya ngaho. Jehova oha ulike kutya oku na ko nasha novapofi. (Lev 19:14) Ohatu dulu okushikula oshihopaenenwa shaye mokuninga eenghendabala tu kwafele ovapofi va ninge ookaume kaye.

NGHEE HATU DULU OKU SHI NINGA:

• “Kongeni” ovapofi. (Mat 10:11) Mbela ou shii umwe oo e na omupambele womupofi? Mbela moshitukulwa sheni omu na eefikola, omaumbo ile oikondo imwe vali yovapofi ovo va hala oishangomwa i li meendada doshipofi?

• Ulika kutya ou na ko nasha novanhu. Okunakonasha kwoye novanhu otaku kwafele ovapofi va kale ve ku mangulukila. Kendabala okuhovela eenghundafana navo di na sha noinima oyo ovanhu moshitukulwa ve na ohokwe muyo

• Va kwafela va shiive Jehova. Opo ku kwafelwe ovo ve na oulema womesho, ehangano ola nyanyangida oishangomwa i li momalupe e lili noku lili. Pula omunhu kutya okwa hala okulihonga monghedi ilipi? Omupashukili woilonga na shilipaleke kutya omuyakuli woileshomwa okwa tula mo ombestelinga yoishangomwa yoshipofi i li molupe olo va pumbwa