Osho sha li sha ningilwa Ovaisrael momaluhaela aMoab, oshi li oshihopaenenwa shelondwelo kOvakriste. (1Ko 10:6, 8, 11) Ovaisrael ovo va li va hovela okweendafana novakainhu Ovamoab, ovo ve hole oluhaelo nohava longele oikalunga, ova li va nwefwa mo va nyone omanyono a kwata moiti. Osho osha li she va etela oilanduliko ya kwata moiti. (Num 25:9) Ohatu kala pamwe novanailonga vakwetu, ovanafikola vakwetu, ovashiinda shetu, ovapambele vetu nosho yo ookaume ketu ovo ihava longele Jehova. Oshike hatu lihongo mehokololo olo lopaMbiibeli shi na sha noilanduliko ya nyika oshiponga oyo hai di mokweendafana novanhu va tya ngaho?

TALENI OKAVIDIO OIHOPAENENWA TAI LONDWELE PEFIMBO LETU — OKATUKULWA KAXUPI, NDELE TAMU KUNDAFANA OMAPULO TAA SHIKULA:

• Jamin okwa li a nwefwa mo ngahelipi komadiladilo a puka aSimri nosho yo avamwe?

• Pinehas okwa li a kwafela ngahelipi Jamin a kale e na etaleko la yuka?

• Eyooloko lilipi li li pokati kokuungaunga nawa novanhu ovo ihava longele Jehova nokupanga oukaume navo?

• Omolwashike twa pumbwa okukala twa lungama ngeenge hatu hoolola ookaume ketu nokuli nomeongalo?

• Omolwashike twa pumbwa okuhenuka okulitumina omatumwalaka komakwatafano opaintaneta novanhu ovo tuhe shii?