Omashongo otaa dulu oku tu teya omukumo, unene tuu ngeenge otaa kwata efimbo lile. David okwa li e shii kutya eshongo olo a li a taalela, la kwatela mo ohamba Saul, otali ka xula nokwa li e shii kutya ota ka ninga ohamba ngaashi Jehova a xunganeka. (1Sam 16:13) Eitavelo laDavid ola li le mu kwafela a teelele nelididimiko kuJehova.

Ngeenge twa taalela eshongo, otashi dulika tu longife ounongo, ile eendunge dokudiladila tu lundulule onghalo yetu. (1Sam 21:12-14; Omayel 1:4) Ashike omaupyakadi amwe otaa twikile nokuli nonande otwa ninga ngaashi hatu dulu tu kale metwokumwe nomafinamhango Ombiibeli. Meenghalo da tya ngaho, natu teelele nelididimiko kuJehova. Mafiku ota ka xulifa po okumona oixuna kwetu akushe nokufeta po “omahodi aeshe” momesho etu. (Eh 21:4) Kutya nee Jehova oye a xulifa po omaupyakadi etu, ile okwa xula po omolwomatomheno onhumba, oshinima shimwe sha fimanenena oshosho kutya: Omashongo aeshe otaa ka xula po mafiku. Oushili oo otau tu hekeleke shili.

TALENI OKAVIDO OSHIWANA SHA HANGANA NONANDE OSHI LI MOUNYUNI WA TUKAUKA, NDELE TAMU KUNDAFANA OMAPULO TAA SHIKULA:

• Omashongo amwe elipi po Ovakriste vokolukadi laUnited States va li va shakeneka?

• Ova ulika ngahelipi ohole nosho yo elididimiko?

• Ova twikila ngahelipi okuyandja elitulemo ‘koinima oyo ya fimanenena’? — Flp 1:10