Jehova okwa hala tu mu longele hatu linyengifwa kohole. (Mat 22:37, 38) Ngeenge ovakonakonimbiibeli ova kala ve hole Jehova, otava ka kala ve na eenghono dokuninga omalunduluko nokutaalela omashongo. (1Jo 5:3) Ngeenge ove hole Jehova otava ka ninginifwa.

Kwafela ovakonakonimbiibeli voye va mone kutya Kalunga oku va hole. Va pula omapulo ngaashi: “Eshi otashi ku hongo shike kombinga yaJehova?” ile “Eshi otashi ulike ngahelipi kutya Kalunga oku ku hole?” Va kwafela va didilike kutya Jehova ote va kwafele pauhandimwe. (2Omaf 16:9) Va pa oihopaenenwa yanghee Jehova a nyamukula omailikano oye okondadalunde, noku va ladipika va didilike nghee Jehova ta nyamukula omailikano avo. Ohatu kala twa hafa neenghono, ngeenge tu wete ovakonakonimbiibeli ve wete kutya Jehova oku va hole, nohava ulike kutya ove mu hole, nova hala okukala kaume kaye.

TALENI OKAVIDIO KWAFELA OVAKONAKONIMBIIBELI VOYE VA KULIKE EKWATAFANO LOPOFINGO NAJEHOVA, NDELE TAMU KUNDAFANA OMAPULO TAA SHIKULA:

• Eshongo lilipi Jade a li a taalela?

• Neeta okwa kwafela ngahelipi Jade?

• Jade okwa li a dula ngahelipi okufinda eshongo olo?