Opo omunhu a hafele ekwatafano liwa naJehova, oku na okukala a koshoka paenghedi. (1Pet 1:14-16) Ngeenge omukonakonimbiibeli okwa e fa po eenghedi inadi koshoka, otashi dulika a ka mone yo omauwa ngaashi, okukala nekwatafano liwa moukwaneumbo wavo, oukolele nosho yo okuxupifa oshimaliwa.

Yelifila nawa omukonakonimbiibeli omifikamhango daJehova dopaenghedi, nonokutya omolwashike e na okudulika kudo nosho yo ouwa oo ta ka mona. Kwafela omukonakonimbiibeli woye a lundulule onghedi yaye yokudiladila, molwaashi osho osho tashi ke mu linyengifa a tule moilonga osho te lihongo. (Ef 4:22-24) Mu kwashilipaleka kutya Jehova ota dulu oku mu kwafela a efe po eenghedi inadi koshoka odo da mena omidi muye. (Fil 4:13) Mu honga a kale ha ilikana kuJehova ngeenge e li momayeleko. Mu kwafela a kale ha nongele eenghalo odo tadi dulu oku mu twala momayeleko, noku di henuka. Mu ladipika a kale he lipyakidile noinima iwa oyo tai dulu oku mu kwafela a efe po eenghedi inadi koshoka. Ohashi kala shi hafifa okumona ovakonakonimbiibeli tava ningi omalunduluko kekwafo laJehova.

TALA OKAVIDO KWAFELA OVAKONAKONIMBIIBELI VOYE VA EFE PO EENGHEDI INADI KOSHOKA, NDELE TAMU KUNDAFANA OMAPULO TAA SHIKULA:

• Ovakulunhuongalo nosho yo Neeta ova ulika ngahelipi elineekelo muJade?

• Neeta okwa pa Jade ekwafo vali la wedwa po lilipi?

• Jade okwa konga ngahelipi ekwafo kuJehova?