Otu na ouvidio vane ve na sha nokukonakona Ombiibeli ovo hatu longifa moukalele. Okavidio keshe oka ndulukwa nelalakano lashike?

• Omolwashike u na okukonakona Ombiibeli? — Oshitukulwa shile oka ndulukwa nelalakano lokuningifa omunhu a kale e na ohokwe mOmbiibeli, kashi na nee mbudi kutya oku li melongelokalunga lilipi. Oka ladipika ovanhu va konge omanyamukulo mOmbiibeli, omapulo oo a fimana monghalamwenyo, noinima oyo ya popiwa mo otai hangwa mOmbiibeli. Oka yelifa nghee to dulu okupula ekonakonombiibeli.

• Omolwashike u na okukonakona Ombiibeli? (okatukulwa kaxupi) oka faafana nokavidio koshitukulwa shile, ashike ko oka xupi elela. Otaka dulu okulongifwa moitukulwa omo mu na ovanhu vehe na efimbo lokukundafana.

• Oshike hashi ningwa pekonakonombiibeli? oka ndulukwa nelalakano lokuningifa omunhu a kale e na ohokwe yokukonakona Ombiibeli oshali, noka nyamukula omapulo oo tashi dulika ovanhu ve na nosho yo nghee tava dulu okupula ekonakonombiibeli.

• Oto hambelelwa kekonakonombiibeli oka ndulukwa nelalakano lokuulikilwa ovakonakonimbiibeli. Nonande okavidio oko oke li pepandja etivali lembo Nghee to dulu okuhafela onghalamwenyo fiyo alushe! otaka dulu yo okuulikwa, ngeenge to kundafana mokambo Nghee to dulu okuhafela onghalamwenyo fiyo alushe! Okavidio oka popya kombinga yoshikalimo shembo nosho yo osho omukonakoni ta ka mona momukokomoko weenghundafana davo.

Nonande okavidio keshe oka ndulukwa nelalakano lonhumba, keshe kamwe otaka dulu okuulikwa, ile okutuminwa ovanhu, ngeenge otashi wapalele. Ovaudifi otava ladipikwa va kale ve shii nawa okulongifa ouvidio ovo moukalele.