OKUKALA OMUKRISTE WASHILI
Oho longifa ngoo o-JW Library?
O-JW Library oprograma oyo tai ku kwafele u tapele Ombiibeli, oishangomwa, ouvidio nosho yo eeprograma dimwe mongodi, mokatableta ile mokombiyuta yoye.
NGHEE U NA OKU I KONGA: Inda kointaneta ndele to tape o-JW Library konhele oko ku na eeprograma doludi olo. Otai dulu okulongifwa moikwaelektronika yomaludi a yoolokafana. Shimha wa patulula oprograma kointaneta, oto dulu okuhoolola oinima oyo wa hala okutapa. Ngeenge ku na ointaneta keumbo, oto dulu okulongifa ointaneta kOlupale lOuhamba, kongulumambo yaaveshe ile keenhele dimwe. Oprograma oyo ngeenge owe i tula moshikwaelektronika shoye, ito ka pumbwa vali okukala ho i kointaneta opo u leshe oishangomwa oyo i li mo. Ndele molwaashi ko-JW Library ohaku wedwa oinima pandjikilile, owa pumbwa okukala ho i kointaneta omafimbo amwe opo u pepaleke oprograma oyo u na.
OMOLWASHIKE TWA PUMBWA O-JW LIBRARY? Ohai shi ningi shipu kufye tu dule okushikula nawa pokwoongala kweongalo nokuninga ekonakono lopaumwene. Oipu yo okulongifa moukalele, unene tuu ngeenge to yandje oundombwedi wohangelela.
Otashi dulika yo u hafele oikundafanwa ei
OUKALELE WOMOIPAFI
Nghee hatu longifa o-JW.ORG okuudifila vamwe etumwalaka lOmbibeli
Eendombwedi daJehova, ovakulunhu nounona, odi hole okulongifa o-website yado oyo ya pepalekwa nelalakano okuudifila ovanhu vahapu ngaashi tashi dulika kombinga yonghundana iwa yOuhamba waKalunga.
