Pamhango yaMoses, omulumenhu okwa li a teelelika a longekide omukanda wehengano ngeenge ota diladila okuhengana. Osho osha li hashi shi ningifa shidjuu okuteya ohombo. Ashike nande ongaho, ovawiliki vomalongelokalunga vopefimbo laJesus ova li ve shi ningifa shipu okuteya ohombo. Ovalumenhu ova li tava dulu okuhenga po ovakulukadi vavo nokuli nomoinima yanafangwa. (“ombapila yehengano” ouyelele wokukonakona wa pamba Mark 10:4 mo-nwtsty; “Ou ta henge po omukainhu waye” omauyelele okukonakonwa a pamba Mark 10:11 mo-nwtsty-E) Jesus okwa twa omufindo oushili oo kutya ohombo oi li elongekido la totwa po kuJehova. (Mark 10:2-12) Omulumenhu nomukainhu ohava ningi “omunhu umwe” fiyo alushe. PaMateus 19:9, etomheno lopamishangwa lokuhengana “oluhaelo” ashike.

Kunena, ovanhu vahapu ihava tale ko ohombo ngaashi Jesus a li he i tale ko, ndele ongaashi Ovafarisai. Ohava endelele okuhengana ngeenge opa holoka omaupyakadi. Mepingafano naasho, ovalihomboli Ovakriste ohava kendabala okudiinina eano lavo mokutula moilonga omafinamhango Ombiibeli opo va pongolole po omaupyakadi. Konima eshi mwa tala okavidio Ohole nefimaneko ohai hanganifa oukwaneumbo, Kundafaneni omapulo taa shikula:

• Ongahelipi tamu dulu okutula moilonga Omayeletumbulo 15:1 mohombo yeni, nomolwashike sha fimana?

• Ongahelipi tamu dulu okupongolola po omaupyakadi mokutula moilonga Omayeletumbulo 19:11?

• Ngeenge ohombo yeni oi li pokuteka, omapulo elipi u na okulipula, ponhele yokudiladila kutya nandi hengane?

• Ongahelipi to dulu okukala omushamane ile omukulukadi e li nawa ngeenge owa tula moilonga Mateus 7:12?