LONGA NOUDIININI MOILONGA YOKUUDIFA | HAPUPALIFA EHAFO LOYE MOUKALELE
Longifa omafaneko u yelife oitwa oyo ya fimana
Ngeenge hatu ningi omalishuneko ile hatu ningi omakonakonombiibeli, otu na okukwafela ovapwilikini vetu va ude ko oitwa ya fimana. Ngeenge otwa longifa omafaneko eshi hatu yelifa oitwa oyo, ohatu ka kuma omitima davo, nohatu ke va kwafela opo ve i dimbuluke.
Eshi to lilongekidile elishuneko ile ekonakonombiibeli, yandja elitulemo koitwa ya fimana oyo wa hala oku ka yelifa. Opo nee hoolola omafaneko e li paunafangwa a kanghamena koinima oyo hai ningwa efiku keshe. (Mat 5:14-16; Mar 2:21; Luk 14:7-11) Kaleka momadiladilo eputuko nosho yo omalipyakidilo omupwilikini woye. (Luk 5:2-11; Joh 4:7-15) Ngeenge owa mono a hafa molwaashi a uda ko oshitwa, naave oto ka kala wa hafa.
TALENI OKAVIDIO MONA EHAFO MOSHILONGA SHOKUNINGA OVANHU OVAHONGWA — XWEPOPALEKA OUNGHULUNGU WOYE — LONGIFA OMAFANEKO U YELIFE OITWA OYO YA FIMANA, NDELE TAMU KUNDAFANA OMAPULO TAA SHIKULA:
-
Omolwashike tashi dulika ovakonakonimbiibeli va pumbwa ekwafo opo va ude ko eevelishe dOmbiibeli?
-
Ongahelipi Neeta a li a longifa efaneko opo a yelife oshili oyo tai hangwa mOvaroma 5:12?
-
Omafaneko mawa ohaa kumu omutima
Omafaneko mawa ohaa kumu ngahelipi ovapwilikini vetu?
-
Ngeenge tu li moukalele, omolwashike tu na okulongifa ouvidio nosho yo oilongifo imwe vali oyo ya nyanyangidwa kehangano laJehova?
