Eshi hatu lididimike ‘momafiku aa axuuninwa’ elela, otwa teelela omaupyakadi a ka hapupale. (2Tm 3:1; ouyelele wokukonakona mo-nwtsty-E waMat 24:8) Ngeenge pa holoka oiponga yopaushitwe, oshiwana shaJehova luhapu ohashi pewa omalombwelo e li pefimbo notaa xupifa eemwenyo. Exupifo letu otali ke likolelela kokudulika kwetu paife opo tu lilongekide pamhepo nosho yo palutu. — Luk 16:10.

• Okulilongekida pamhepo: Kala u na elandulafano liwa lokuninga oinima. Lihonga eenghedi di lili noku lili dokuudifa. Ino kala wa lyalyakana ngeenge owa kala wa tukauka ko pakafimbo keongalo. (Jes 30:15) Ku na efiku u tukauke ko kuJehova naJesus. — od 176 okat. 15-17

• Okulilongekida palutu: Kakele nokukala nokandjato kopaulumomhumbwe, oukwaneumbo keshe owa pumbwa okupungula oikulya, omeva, omiti noinima ikwao ya yukila ko va ningila ngeenge opa holoka onghalo oyo tai pula va kale ponhele imwe aike oule wefimbo lonhumba. — Omayel 22:3; g17.5-E 4, 6

TALENI OKAVIDIO OWE LILONGEKIDILA NGOO OIPONGA YOPAUSHITWE? NDELE TAMU KUNDAFANA OMAPULO TAA SHIKULA:

• Ongahelipi hatu dulu okulilongekidila pamhepo oshiponga shopaushitwe?

• Omolwashike tu na . . . 

  • okukala tu na ekwatafano liwa novakulunhuongalo?

  • okulongekida okandjato kopaulumomhumbwe?

  • okutalulula kutya oiponga yopashitwe yoludi lilipi tashi dulika i holoke po, noshike tu na okuninga po monghalo keshe?

• Omeenghedi dopatatu dilipi omo hatu dulu okukwafela vamwe ngeenge va hangwa koiponga yopaushitwe?

LIPULA KUTYA, ‘Ngeenge tashi uya pokulilongekida, oilihongomwa ilipi nde lihonga momukifi wekomba wo-COVID-19?’